Då var testresultatet tikka inn, og det var negativt! No har eg både mobil, pass, lommebok, ESTA, vaksinepass, negativ test og sjølverklæringsskjemaet til SAS. Med andre ord ligg alt til rette for at eg skal kunne komme meg opp i ukristleg tid i natt, ta drosjebil til flyplassen og sjekke meg inn før turen går til CPH og vidare til LAX. I Los Angeles skal eg vere fram til fredag, då ein «Jetta eller tilsvarande» skal ta meg gjennom Sentral-California og opp til San Francisco. Skuleåret 2009/10 studerte eg i Santa Barbara nord om Los Angeles, og turen er mi tredje vitjing til California sidan. Førre gong var i 2014. No sit eg på Peppes på OSL og ventar på ein «LA Burger» før eg skal ta shuttlebuss bort til Runway-hotellet og vonaleg få sove litt. Eg har med to mobiltelefonar og skal tinge vekking på hotellet. Skal eg om sider, etter fire år som bonusnisse, få komt meg på langtur i dei eleverte klassar?
Aldri tur uten litt drama. Hotellet har problem med utstyret og får skrive ut alt unnateke koronasertifikatet mitt. Resepsjonisten skulle ta kontakt med ein kollega for hjelp. Elles fekk eg både godtpose med brownies, jordbær og klementin ved innsjekk, og ho sa at eg på grunn av statusen (platinum) kan ta meg ei brus i minibaren. Det trur eg er fyrste gong dei har sagt til meg på noko NCC-hotell sidan eg fekk status. Tidlegare har eg alltid måtte etterspør. Flink resepsjonist. No ventar eg på at frøkena i resepsjonen skal ringe slik at vi får ting på stell.
Då syner det seg at hotellet (og nabohotellet) ikkje får skrive ut sertifikatet. Er det nokon som veit om SAS tek det digitalt? Har det både på telefonen og MS Surface.
De er kun ute etter qr koden. Ta et screenshot av den på telefonen din, så er du sikra om du skulle miste nett. Bare pass på at du har strøm på tlf
Det er ikkje ofte ein set mobilalarmen, samt to fargefjernsyn på ring til 0215, men vaknar rett etter 0200. Fem minutt att til drosjebilen eg har tinga skal hente meg og svippe meg til OSL. IF-taggen er med.
Innsjekka 0410 og rett gjennom sikkerheitskontrollen med minimalt med venting. Ein svingom innom taxfreen og ein kiosk seinare har eg fått meg champagne, kaffi og solkrem. Ikkje det at eg treng solkrem, solvant som eg er. Det er mange ungdommar her. Mange låg og sov ute i ankomsthallen då eg kom. Nokon fordelar skal vi som er passert midten av 30-åra ha og.
Då har eg omsider funne meg ein plass å sitje i gulloungen på CPH. Her er det stinn brakke. Det tok si tid å finne sitjeplass, men det gjekk til slutt. Toalettkøen var nesten kriminell. Lyt nok ta toalettvitjinga hjå almuen. Ein kopp kaffi so skal eg svinse av stad.
God tur! Følger delvis i dine fotspor i helgen. For å unngå vekking på flere enheter samtidig på ukristelige tider, tar vi turen til CPH ettermiddagen før turen videre til LAX. Kos deg på tur!
Det hadde nok eg og gjort hadde det ikkje vore for at eg måtte fly inn til OSL frå FRO på separat billett.
