Finnair med sommarrute til Bodø I perioden mai–september 2020 skal Finnair fly to gongar i veka mellom HEL og BOO. Det melder Finnair i ei pressemelding publisert på eigne nettsider. Denne ruta vil bli operert av NORRA (Nordic Regional Airlines), som flyg mange ruter for Finnair med ATR-72 og E190. Andre Finnair-ruter til Noreg (utanom OSL) Frå før av har Finnair rute mellom HEL og TOS som blir operert av Widerøe. Tromsø-ruta opna i mai 2018. Denne ruta blir diskutert i denne forumtråden. Widerøe opererer òg Finnairs rute mellom HEL og TRD. Trondheim-ruta starta opp i juni 2019 og blir diskutert i denne forumtråden. I tillegg har Finnair flygingar mellom HEL og BGO. Bergens-ruta vart starta opp i mai 2018 med Widerøe som operatør. Tilbake i 2016 prøvde Finnair seg på å etablere ei rute mellom HEL og LYR. Longyarbyen-ruta vart vel kansellert omtrent før ho kom i gang. Finnair vart nekta å fly denne ruta fordi ho var i strid med gjeldande luftfartsreglar, skal vi tru NRK. Ruta blir diskutert i denne forumtråden. Sommarrute til Murmansk Finnair ser nordover – utover eigne grenser – og ikkje berre til Noreg. Frå og med mai 2020 vil selskapet tilby ei sommarrute mellom HEL og MMK. Murmansk-ruta skal gå fire gongar i veka, melder Barentsobserver. Finnair har hatt charter-flygingar til MMK. Som ein kuriositet kan det nemnast at i 2017 valde selskapet å kansellere dei tidlegaste flygingane sine det året, 13/5 og 20/5. Kvifor? Våren var svært sein dette året og is på elever og djup snø mange stader gjorde at sportsfiskarane fekk 'kalde føtter', skreiv Barentsobserver. *** Dersom moderator meiner det er riktig, kan han sikkert slå saman trådane som handlar om Finnairs satsing til meir eller mindre 'perifere' delar av Noreg
