Reisebrev: WOW i WAW?

Varangerfjorden

Vi skriv laurdag 22. oktober og dette er byrjinga på eit reisebrev som i all hovudsak skal handla om reisemålet, den polske hovudstaden, Warszawa. Der har eg aldri vore før. Så det store spørsmålet blir dette: Er det wow i WAW?

 

Innhald: Eit reisebrev i fleire delar
Del 1: Reisa til Warszawa i fem etappar
Del 2: Overnatting i Warszawa
Del 3: Første dag i Warszawa
Del 4: Andre dag i Warszawa
Del 5: Tredje dag i Warszawa
Del 6: Reisa heim frå Warzawa i tre etappar
Epilog: Nokre generelle tankar om Warszawa

 

Reisa til Warzawa: Første etappe: Langs landevegen
Sidan ingen norske flyselskap er i stand til å frakta meg ut av Finnmark (Tromsø er definert som Sør-Finnmark inntil fylkesoppsplittinga er eit faktum) på fornuftig vis på ein laurdag, fall valet på Finnair. Etter eit triveleg møte dette selskapet i sommar var ikkje dette eit vanskeleg val.

Sidan Finnair ikkje flyg på kortbanenettet i Finnmark (sic!), må min Colt frakta meg til Ivalo lufthamn, ei strekning på rundt 300 km, eller cirka 4 timar. Heldigvis er det snø på vegane og elles fint.

 

Samelandsbrua ved Utsjok

Det er rart kor mykje ein får tenkt når ein køyrer bil i mørket. Turen starta frå 9800-byen kl. 0330 i natt. Å få tenkt er litt fint, eigentleg, aller mest fordi eg i heile haust har vore ulukkeleg forelska i ein fyr (han verkar ikkje å vera interessert i meg), så tankane krev litt (les: djevelsk mykje) ekstra plass.

Vel, mitt indre sjels- og tankeliv skal ikkje vera tema i dette reisebrevet. I staden er det altså den polske hovudstaden som er hovudfokus. Ny by og nytt land for meg dette, så det kan bli bra!

 

Reisa til Warzawa: Andre etappe: Ivalo lufthamn (IVL)
Etter å ha køyrt gjennom Ivalo nordfrå svingte eg av E75 og etter nokre minutt såg eg Ivalo lufthamn framom meg som eit Soria Moria slott:


Sidan eg hadde snuska til meg businessbilett med Finnair kunne eg gå i køa for prioriterte passasjerar. Det gjorde godt å passera bermen på ytre venstre og bli hyggjeleg møtt av ein effektiv kar som gjorde innsjekkinga unna på null komma svisj.

 

I tryggleikskontrollen var eg så heldig å bli tilfeldig utvald til litt sveiping. Diverre (?) ingen Tinder-match, men det var kanskje ikkje anna å venta heller. Nokre karar i grøne kamuflasjeklede framom meg i køa, men veldig roleg i kontrollen.

Ivalo lufthamn har fem utgangar, ein liten kiosk som serverer kaffi, mineralvatn, lett mat og eit lite utval av souvernirar. Det er ikkje all verda, men det var høveleg for meg som var litt småsvolten etter drygt fire timar på landevegen.



Med flyavgang kl. 0940 synst eg at trefte ganske så godt med tidskalkuleringa då eg parkerte kl. 0815. Innsjekken stengjer kl. 0855, så eg hadde greitt med tid.



Ivalo er sjølvsagt definert som ein nordlysdestinasjon. Slik sett hadde eg venta fleire frå Asia her no, men det er flest finnar, samt nokre amerikanarar, om eg ikkje tek i miss av talemåla ikring meg her.

 

Reisa til Warzawa: Tredje etappe: AY637: IVL--KTL--HEL
Til denne flyturen hadde eg business. Som kanskje mange veit har Finnair ikkje anna enn økonomiklasse på sine innanriksruter, men med fem timar mellomlanding på Vantaa meinte eg at C-billett var ei ålreit investering.

Sjølv utan status i Oneworld-alliansen hamna eg med min businessbillett i ombordstigningsgruppe nummer 1. Det gjekk ryddig føre seg utan knuffing. Eg trur gruppenummer er enklare å forstå enn gruppebokstavar som SAS insisterer på.


OH-LXC, A320, 21 år gamal


Nokså nytt interiør

 

God tur!
Og god start på reisebrevet, som vanlig. Gleder meg til fortsettelsen.

 

God tur, dette må da bli bra! Tror jeg har vært 50 ganger på WAW, men aldri utenfor flyplassen.

Bare så du vet det, Finnair flyr på kortbanenettet på Vestlandet

 

Definerer du Flesland som ein del av kortbanenettet?

 

AY637 starta altså i Ivalo (IVL). Etter tjue minutt, heilt utan servering, stod vi parkert på Kittilä (KTT). Her var det nokre avstigande og ein god dose påstigande passasjerar.

Full balje frå KTT ned til Vantaa (HEL). Ikkje snakk om ledig midtsete, nei! Sjåføren var ute og sparka i dekka og myste på vengjene. No pågår teljing med god gamaldags 'klikkar'.

Forventa landing på HEL er 1210, forresten, men ombordstigninga her på KTT var fullført allereie 1020, så vi har god tid! Kapteinen lover flytid på éin time og ti minutt!

 

Som vanleg serverer Finnair blåbærsaft og vatn til alle på sine innanriksturar. Det store spenningsmomentet for min del var om eg hadde bestilt noko mat eller ei på førehand, men det viste seg at det truleg er på returen nordover om nokre dagar.

Elles ein effektiv flytur og AY637 landa på Helsingfors lufthamn omtrent 25 minutt før rutetid, like ved Finnairs lounge (meir om denne seinare). Reisebrevskribenten skal ut og gjera seg kjent på flyplassen, kan hende finn han noko spennande!

 

Sett:

 

Riktig god tur!
Warszawa er en fin by å besøke. Kanskje litt kaldt nå..?

 

Der ser du!
44 min med flytoget for 20kr så er jeg på Finnairs rutenett, mens andre fra utbygda må kjøre i timevis.

 

Tusen takk! Det var seks minus i Aust-Finnmark i går, og det er meldt rundt 15 i WAW. Det skal nok gå heilt greitt!

 

Haha, joda, men eg kverrulerer mest på at Finnair ikkje er på kortbanenettet (i Finnmark (og ei heller Noreg generelt)). Og korkje AES eller BGO er vel på kortbanenettet, med mindre Avinor har kome med ei klassisk forbetring à la SAS som eg har gått glipp av. Det er mogleg eg er faktaforvirra, men det skal eg slutta med sporenstreks, om det kan passa herren

 

Finnair flyr for Widerøe på vestlandet ....
God tur ut i verden!

 

God tur til WAW! Jeg har vært der to uker siden og konkluderte med at byen er absolutt verdt et besøk, så neste reise er allerede bestilt til våren .

Bare litt synd at du ikke får nytte champagne i LOT loungen på veien tilbake. Blir vel bare vanlig bobler i Preludium loungen med Finnair .

 

Reisa til Warzawa: Fjerde etappe: Finnairs lounge på Vantaa (HEL)
Finnairs lounge innan Schengen-området ligg ikkje langt unna tryggleikskontrollen og utgang 23 (om eg såg rett), oppe i andre etasje. Her har mange sitjeplassar utsikt rett ut til flystripa, og der er det mykje å følgja med på:


No fekk eg ikkje fotografert serveringsområdet då det var ein del folk der, men maten er nokså enkel: pannekaker på storleik med ei lita handflate, smørbrød med ost og salatblad, grønsaksgryte, potetar, suppe, salat pluss drikke av ymist slag. Det er kanskje på høgda med innanriksloungen til SAS på Gardermoen? Kanskje litt under...