I Kyoto hadde vi tre netter og det er kanskje ikkje nok for å få med seg alt som denne byen har å by på, men vi hadde eit stramt tidsskjema, så her var det berre å karpe diem:
Ein av mange attraksjonar er Heian Jingu-heilagdomen med omkringliggjande hage. Ifølgje infotavla ved innfallsporten stod det at området var laga som ein 'national scenic spot representative of the Meiji-era'. Heile området er på 33 000 kvadratmeter: Det vart tatt mange bilete i Kyoto og eg har ikkje 100 % oversikt over kva alt er, men det er min elendige arkiveringsevne si skuld, samt at eg ikkje noterte noko som helst frå denne turen...
Vi var òg innom Ginkaku-ju-templet. Her var det fint: Fotografen prøver seg på eksperimentering: Overalt kom vi over tempel og heilagdomar:
Nijo-slottet står på verdsarvlista til UNESCO og her ser vi tydeleg japansk naturestetikk. Her har ein 'rydda opp' i kaoset, men du verda det er flott: Nijo-slottet er òg verdt å gløtte på: Dei vakre hagane i Kyoto slutta aldri å forbløffe:
Kyoto har mykje meir å by på enn tempel og heilagdommar. Av alle ting er 'bambusstien' ein av hovudattraksjonane. Vel, trass i at vi ikkje hadde med oss ein panda, så tok vi turen og dette er det vi såg: Bambusstien er 300 meter lang. Eller kanskje 600, men han er ikkje ein grunn i seg sjølv til å gjeste Kyoto. Likevel var det fascinerande å sjå alle japanarane som tok sjølvisbilete der inne.
I Kyoto ligg Mangamuséet, eller Kyoto internasjonale mangamuseum, om du vil. For dei som ikkje veit det, er manga det japanske ordet for teikneserie. Mange har sikkert sett sett desse etter kvart så populære bøkene med teikningar. Mangamuséet er vel verdt eit besøk der det skildrar historia til fenomenet og framveksten. Her blir ein verkeleg godt kjent med eit moderne japansk fenomen. Biletet er lånt frå det store Internett Gjennom Kyoto rinn ei elv og breidda var samlingsplass for ungdommen den kvelden vi kom. Det krydde av dei overalt. Dette biletet er frå kvelden etter:
Somme synst at Kyoto kan bli litt einsformig med alle desse templa over alt og reiser difor heller til Tokyo. For meg vart Tokyo for stort, rett og slett. Kyoto er ein stad du kan gå mykje til fots, avstandane er ikkje så store, men som nemnd: Der nokon diggar dottera, legg andre sin elsk på mora. Etter tre netter i Kyoto gjekk vi på ein ambisiøs dag som skulle bringe oss innom Nara og Universal studios før Hiroshima. Dagen gjekk ikkje heilt som planlagt, men meir om det seinare. Først litt geografisk støtte:
Ellevte stopp: Nara På 700-talet låg Japans hovudstad ein cirka førti kilometers rusletur frå Kyoto, Nara. Åtte av templa i byen ligg på UNESCO si verdsarvliste, det som ein gong var verdas største trebygning ligg her og her bur det heilage dyr! Vårt stopp skulle på papiret berre ta eit par timar, men her var mykje meir å sjå enn det vi trudde på førehand, så timane gjekk. Nara ligg ganske nøyaktig éin time med tog frå Kyoto (snegletog).
Ja, grip dagen, eller ta fisken. Valgfri oversettelse! Selv griper jeg muligheten til å legge inn et eget bilde fra Kyoto: Kinkaku-ji templet. Var der for to år siden, eksforloveden og jeg. (Sorry, @Kristian, jeg skal ikke plage den fine tråden din med flere fremmedelementer.)
Eit nydeleg bilete! Motivet har eg sett så mange gongar at eg trur nesten eg har vore der sjølv, men eg har det ikkje i mitt eige arkiv, så eg mistenkjer at vi aldri rusla innom... Framandelement er heilt innafor, dette var jo ikkje ein gong ei avsporing
Veldig veldig bra. Fekk berre enda meir lyst til og vitja Japan. Stilig at ein frå aust Finnmark skiv nynorsk. Kva er oddsa for noko slikt?
Å, du veit, det er mange rare dyr i Arken Når det er sagt, har eg slitt ut barneskoa i bartebyen. Hiv deg rundt og reis til Japan. Der er mykje å sjå
Tolvte stopp: Universal studios v/Osaka Etter å ha klappa hjort i Nara, var det på tide å kome seg vidare. Vi hoppa på neste tog og etter ein times tid var vi eit godt stykke nærmare Osaka. Opphaveleg plan hadde vore å ta turen innom denne byen, men då vi oppdaga at Universal studios har ein såkalla opplevingspark her, så skrota vi byen til fordel for fart og moro. Litt geografisk hjelp:
Vi kom altså til Universal studios type tidleg ettermiddag (rundt klokka to) og valde å kjøpe eit slik ekspresspass som kosta ein god neve ekstra yen, men det var verdt det for å sleppe unna ein del køståing. No var vi klare for både det eine og det andre!
