Det står vel Borgund på plaketten? Sikkert bare pirk fra min side, japanerne ville aldri sett forskjell
Du kan jo lufte at SAS flyr til Japan? Kanskje det kan få henne på bedre tanker? Veldig godt poeng! Jeg blingsa, rett og slett. Fadesen er nå rettet!
Sjuande stopp: Tokyo Den japanske hovudstaden er stor. Veldig stor. Det er mykje folk her. Overalt. Eg bur i Aust-Finnmark og folk er liksom ikkje det eg møter på oftast. Slik sett vart Tokyo litt slitsam for meg, men du verda, eg ser at det er ein flott og interessant by! Misforstå meg rett, altså. For oss vart det fire netter i Tokyo. Først tok vi turen til Shinjuku og rusla innom den flotte parken der:
Når ein er i Tokyo er vel ein tur til Shibuya obligatorisk. Mest fordi dette er kanskje verdas travlaste trafikknutepunkt (i alle fall høgt oppe på den lista).
Apropos lokaltransport i Tokyo: Lokaltognettet i Tokyo og det urbane beltet rundt T-banenettet i Tokyo Vi fekk utdelt eit kart med både t-bane og jernbane på. Då gjekk det litt i spinn for oss. Heldigvis ordna det seg!
Utover dette brukte vi ein del tid på Tokyo nasjonalmuseum som gir ein god oversikt over Japans historie frå tidleg start og fram til moderne tid. Eg skal ikkje bruke mykje meir tid på Tokyo. Vi hadde fire netter i byen, men reiste ut på fleire dagsturar som kjem med i dette reisebrevet fortløpande.
Dagstur til Hakkejima: Hakkejima er kanskje mest kjent for sitt store akvarium. Det var no i alle fall dit vi tok turen, omtrent ein times tur frå hotellet. Der hadde dei diverse snodige og kjente dyr:
Det var her vi kjøpte oss kvar vår soft-is og tenkte å kose oss med den. Det vart det absolutt ingenting av, for ei ørn – ja, rovfuglen – kom med eit stupåtak og tok softisen frå reisefølgjet. Eg kasta min is frå meg og sprang til helvete vekk derifrå... Diverre har vi ingen bilete av ørneåtaket, så her er ein delfin: Litt utpå ettermiddagen tok vi turen tilbake til Tokyo for ein betre middag.
Dagstur til Hakone: Knappe ti mil frå Tokyo ligg Hakone som utgjer ein del av nasjonalparken rundt fjellet Fuji. Vi ønskte å kome oss opp i høgda. Frå jarnbanestasjonen går det diverse transportmiddel oppover i høgda: Området er fint, då:
Det siste strekket gjekk med taubane, men diverre var det så vindete at dei rett og slett hadde stoppa taubanen. Det hadde nok vorte litt av ei huskestue med vindstyrke på kanskje 15 m/s i kasta der vi var. Lenger opp over tregrensa kan det ha vore endå freskare. Vi kom så langt: Litt slukøyra vendte vi tilbake til Tokyo. Grunna dårleg førehandssjekking hadde vi brukt litt mykje tid hit, så dagen gjekk litt fortare enn vi hadde tenkt.
Dagstur til DisneySea: Små og store ungar, gløym Disney World og EuroDisney og kva det no heiter alt saman. DisneySea utanfor Tokyo er plassen! Her er det små og store adrenalinframprovoserande berg-og-dalbanar og mykje meir. Vi koste oss!
Takk for at du deler! Fikk lyst på en tur tilbake til Japan jeg nå, men siden det bare er en måned siden vi kom hjem får jeg vel smøre meg med litt tålmodighet
