Tindertur til Gibraltar

Det er korrigert! Konge, keisar, hoffnarr... Er det så nøye, då??

 

Etter å ha vore oppe i høgda vart det litt byvandring før eg igjen kryssa flystripa. Deretter tok eg med meg blyanten og ein bunke postkort bort til nærmaste strand og slappa godt av, noko som kanskje er lov med 34 000 skritt i bagasjen?


Ikkje heilt typisk britisk?


GIB -- igjen...


Strandlivet


Klippa sett frå stranda

 

Godt, godt. Da får nok keiseren ro i sjelen får vi tro
Og ja, en manns keiser er muligens en annen manns hoffnarr så sånnsett var du vel innenfor

 

Sundag ikkje i Gibraltar, men i Cádiz
Vêrmeldinga for Gibraltar og områda rundt inkludert Tanger i Marokko, Málaga og Sevilla i Spania var ikkje spesielt lovande. Det var regn, regn og atter regn å sjå.

Difor leigde eg ein bil og stakk til Cádiz, kanskje ein av dei eldste byane i Europa, tidlegare hovudstad i Spania, og i dag ein litt søvnig kystby med eit historisk sentrum som det er verdt å rusla rundt i. Vêrmeldinga verka lovande.

Bestilling hos Avis vart levert laurdag kveld. Nøklane vart henta på Gibraltar flyplass og bilen stod på spansk side av grensa. Eg fekk ikkje med meg at eg måtte innom flyplassen, så det vart litt ekstra passvifting, men der var dei fleste kontrollørane opptekne med å pilla seg i nasen, så det var null stress, eg vart berre vifta gjennom.

Køyreturen frå Gibraltar til Cádiz skulle ta ein time og eit kvarter, men ein liten navigasjonstabbe og litt trøbbel med å finna parkering då eg kom til Cádiz gjorde at eg brukte to timar, men det var no ikkje noko problem.

 

Cádiz har spor av busetnader 40 000 år tilbake i tid. Det har lenge vore ein levande hamneby og tidlegare hovudstad i Spania. Å gå rundt i det historiske sentrum gir eit sus av fordums stordom med tronge veiter og noko nytt på kvart eit hjørne.


Porten på landsida inn i Cádiz' historiske sentrum


Jesus held si hand over Cádiz


Palmeallé i Cádiz

 

Sjølvsagt kom det ei regnskur her i Cádiz, òg. På dette tidspunktet var eg litt småsvolten, så eg ramla innom ein liten tapasplass der inne i gamlebyen.

Denne tapasstaden var svært spansk, noko som ikkje er så overraskande, kanskje. Menyen fanst berre på spansk, innehavaren snakka berre un poco ingles (bittelitt engelsk), men det hindra honom ikkje å fortelja masse om alle vala og maten. I tillegg plystra, song og nynna innehavaren litt til patos- og vibratofylt spansk 70- og 80-talsrock.

Det var ikkje så ille mat, så eit fint lite stopp for noko å gnaga på. Maten fekk eg ikkje tatt bilete av, men her er fasaden:

Tapasstaden Seblon i Cádiz

 

Den største turistmagneten i Cádiz er kanskje katedralen. Han er stor, men for ein bygut (det finst berre éin by, folkens!) er det lite, om noko, som kan konkurrera mot Nidarosdomen! Likevel ein fin stad å titta innom:

Fasaden til Cádiz-katedralen


Hovudaltaret i Cádiz-katedralen

 

Neste stopp var Castillo de Santa Catalina, eit festningsverk frå 1500-talet. Om eg skal vera ærleg så var det kanskje ikkje verdt eit besøk, men det var gratis. All informasjon var stort sett berre på spansk. Til slutt gjekk eit par måser til åtak på meg og då tassa eg vidare.


Utsikt frå Castillo de Santa Catalina


Inne på festningsområdet

 

Så gjekk turen til Park Genovés, den einaste grøne lunga innanfor murane til gamlebyen. Her er buskvekstane trimma i litt odde former, men blomane er fine:

 

Etter seks--sju timar gjekk turen tilbake til Gibraltar. Om Cádiz var verdt eit besøk? Altså, det er litt over ein times køyring og eg følte ikkje for å gå rundt i Gibraltar i ausande regn. Slik sett var det fint med eit alternativ denne dagen.


Adjø til Cádiz


Stranda ved Cádiz i det fjerne

 

Vel tilbake i Gibraltar var det framleis grått, men det vart ein liten ruslerunde for å finna litt mat. Når du krysser flystripa møter dette monumentet deg:


Og dette er inngangen til torget i Gibraltar:

 

Fish & chips på The Clipper til 12 £ vart middagen. Det måtte litt salt, pepar og sitron til for å få noko smak på maten, men det gjekk ned. Sjokoladekaka til dessert var veldig god!





Dagen vart avslutta på 27 000 skritt...

 

Avreisedag frå Gibraltar
Før flyet heim rakk eg ein joggetur til Europa Point. Eit siste blikk i retning Gibraltarstredet:




Fyret på Europa Point


Moskéen og Gibraltarklippa

 

Savner noe juicy om Tinder??
Ser at du opplever mye, men Tinder?

 

Du er ei tøs etter sladder, @Eddie47!

 

JA
En tøs - tøsen!

 

Eg er såpass feministisk og inkluderande av meg at eg har ikkje diskriminert bort hokjønn frå verken skrift- eller talemål. Her har du, @Eddie47, ein veg å gå, unge mann!

 

Det British Airways som skulle fly meg ut av Gibraltar. Innsjekken gjekk veldig raskt, men tryggleikskontrollen tok sommar og vinter. Det er sjølvsagt eigen businessinnsjekk hos BA, men inga hurtigkø på flyplassen. Ergo måtte eg stå i lag med bermen... Brrr...!

Vel, etter eit kvarters tid og nokre spanske gloser tok gjennomlysingsmaskina ein spansk ein... Eller ein minisiesta. Så då stod vi der alle og bløma i fem minutt og så var vi i gang igjen.

Flyg du BA i C-klasse har du tilgang til lounge på Gibraltar lufthamn, men denne loungen fekk den gamle innanrikskantina SAS hadde borte ved A12 til å framstå som ein luksuslounge til samanlikning. Eg tok to muffin, eitt glas juice og gjekk ut igjen.

Du har frå loungen fin utsikt til flystripa, men det var ingen sitjeplassar ledig, så eg tusla ut til bermen og fann meg ein plass der. Bermen kan nemleg òg sitja ute på verandaen og sjå på flystripa og Gibraltarklippa!

 

Easyjet stod parkert då eg kom til flyplassen:


Litt seinare kom BA inn frå Heathrow:



Speedbird har parkert

 

Vel oppe i marsjhøgde baud BA på vått og tørt til oss plassert framom gardina. Vanlegvis er det servering direkte frå galley til kvart sete, men i dag vart både drikke og mat delt ut frå tralle.

Lønsjen var anten biff med potetmos eller spinatpasta. Eg gjekk for sistnemnde som smakte ganske så godt. Det er òg mogleg eg var svolten for dette var dagens første ordentlege måltid for min del:


Maten vart skylt ned med litt sjampanje, sjølvsagt! Tenk om SAS hadde servert noko slikt mellom Gardermoen og Nord-Noreg/Svalbard? Legg merke til metallbestikket!