Åleinetur til Bukarest (eller Bucuresti? eller Bucharest? eller Bucureşti?)

Nokre om og men i samband med reisa
Denne reisa kjøpte eg yr av iver då SAS endå hadde businessbillettar ute til sals for pluss-prisar, altså i månadsskiftet april/mai. Eg ville med andre ord testa SAS business til prisen av SAS pluss.

Som den oppmerksame lesaren du er så har eg reist med KLM så langt. Det skuldast at SAS rett og slett bestemte seg for å ikkje fly til Bukarest likevel. Det skjedde allereie i juni. Først prøvde SAS seg med at dei ikkje ville gi meg nye billettar, berre refundera, fordi avreisa var så langt fram i tid. Ein ny telefon eit par dagar seinare og eg sat der med flybillettar i C-klasse hos KLM, så lett som ingenting!

Kjøpsprisen hos SAS kom vel på cirka 5 500 kr t/r. Ein ny billett kjøpt hos KLM i C ville ha kosta rundt 15 000 kr t/r då SAS ville ha meg til å kansellera. Det synst eg var litt i overkant dyrt, for å seia det sånn.

Vel, det vart tur og eg har prismessig kome greitt ifrå det, vil eg påstå. Eg har nok tjent inn færre Eurobonus-poeng enn kva eg ville ha fått med SAS, men dette poengdrysset er ikkje så halvgale, tør eg hevda:


Det er tydelegvis slutt med opptjening avrunda opp til nærmaste heile 100-tal?

 

Tilbake til siste biten heim, frå AMS til OSL. Det skjedde med SAS. Og der KLM berre hadde servert kald hovudrett kunne SAS by på varm hovudrett. Det kom litt overraskande på! Rett nok var det laks, men like fullt:




SAS tilbyr tilsynelatande eit ålreit produkt i eurobusinessklasse. No har eg berre éi flyging bak meg, så fleire turar må til. Heldigvis har eg to reiser til i nærmaste framtid.

 

SAS er rausare med poengutdelinga enn KLM, noko som i og for seg ikkje er direkte uventa.

Alt i alt ein fin tur til Romania!

Tusen takk for gode tips! Eg fekk ikkje utnytta dei alle, men kanskje neste gong? Og tusen takk for oppoverretta tommeltottar gjennom reisebrevet!

 

Takk for turen, og et flott reisebrev!
Og tips til vår tur neste år.