Med Tigeren og Bjørnen til Panama: (S04, E03) LH F, Bogotá, PTY og masse regn.

God litt ut på dagen frå Bogotá!

Frokost vart inntatt i 13.etasje, ikkje verdas største buffet, men veldig god mat.


Pga urolighetane i byen no, anbefaler hotellet at alle gjestar held seg innandørs. Så det blir ingen city tour i dag. Området rundt hotellet virkar roleg enn så lenge, men sjølv eit besøk på kjøpesenteret to kvartal bortanfor ville ikkje club manager høyre snakk om.

Det er visst venta store demonstrasjonar, og i dag blir det visst Dagen med stor D, la protesta de todas las protestas eller noko slikt. Det er mulig dei prøvar å "oppmuntre" gjestane litt ekstra til å halde seg i hus, men det er gjerne greitt å høyre på dei som skal vite kva dei snakkar om

Enn så lenge er det normal drift på flyplassen, og transport er booka til 17. Då opnar innsjekkingskranka til LH. Like greitt å vere tidleg ute i tilfelle, rottefelle. Så kan ein heller sitje i lounge på flyplassen og vente siste timane.
#heimreisedag, #pass_på_plass

 

Yes! No skjer det igjen!

Har komt ombord og vi har kasta loss 10 min før rute. Hadde tre timar i behageleg stol i Latam sin lounge før avgang. Litt før var det kjapp innsjekk og eskorte til emmigrasjon/sikkerhetskontroll. Det vart dessverre ikkje diplomatskranke denne gongen, men det stressar bakkeservice på BOG veldig heile tida i kommunikasjon i førekant, så at vi fikk på ankomst var berre bonus.

Vart møtt igjen i resepsjonen på loungen (vart spurd om kva lounge som var vald ved innsjekk) og fekk beskjed om å "sit back, relax and enjoy while Windows ME we prepare your flying machine" og så skulle ein bli henta ved boarding.

Det var fleire F-pax i loungen der, og det var bodyguard/bulderbulder-en vi hadde ved ankomst lørdag som eskorterte til emmigrasjon, ønskte velkomen og seinare henta i lounge. Vi var tre på slep frå lounge til gate, og når vi kom til gate var boarding godt i gang. Señor Skalleknusar brøyta veg og vifta med henda til gateagentane, så vi sklei rett gjennom utan å vise pass og slikt. Men tredjemann på slep vart sjokkert og vonbroten når han oppdaga at der var almue på brua til flyet.

"What'z zis? Why do we have to board zogether wiz ze other passangers? Zis ist unacceptable!" Vi berre gjekk frå han. Før avgang leverte passasjeren, som sit bak meg, munnleg klagemål over boardingprosessen til purser. Noko som tok ca 15 min.

No er det 27 min sidan pushback, og vi er framleis på bakken, men det er ingen hast. La zona...

(Tillegg: og 40 min etter pushback er vi 3500 meter over bakken og FlyNet er oppe og går. Litt turbulens.)

 

Bogotá by night:


Og Eureka! Eg trur eg kan vere sååå nær å knekke sove-koden på fly; det gjeld berre å finne rette vinkelen på ryggen trur eg. Full flat går ikkje så bra, men når eg hevar seteryggen eit par cm går det mykje betre.
Eg sov herfrå...

Til hit...

Men før det var det ein halvtime med fantastisk toreveir ute til babord og middag.



Eg var litt spent når biffen kom på bordet, men det var visst ingenting å frykte. Hadde ikkje trengt kniven i det heile.


No: FCT.

Alle andre gjestar her i ettermiddag snakkar norsk eller svensk, og alle prøvar å overdøyve kvarandre.
Blir straks sistelunch her, og så middag i F-loungen i Zürich seinare i kveld.

 

Han er snill som dagen er lang. Men det var interessant å observere flykapteinar skvette til sida når han gjekk framfor og laga vei i terminal-vellinga.

 

Italiensk spesialmeny i dag, parmesansuffle med asparges og trøfflar

+ sosakjøt (kalvekjake med sopp) og ein god Barolo.

Det vart ingen schnitzel i dag heller. Betjeninga pushar rødvin som om dei skulle ha jobba på provisjon for ein vinbonde i Logroño.

Funny: Når ein 10 min etter å ha fortalt om kor ofte ein reiser innom FCT spør, med innlagt shcwung i albogen, betjeninga her om å få sjå sigarmenyen, og får til svar at det er mange år sidan dei slutta med å dele ut sigarar. "Oh!"

Badeand i boks. Klar for Sveits.

Å, og Porsche til flyet.

 

Pushback nokre minutt seint, men sidan det er fyrste tur på A220 er det greitt. SAS heimover frå ZRH er 20 min forsinka, så det skal ikkje koste kvalitetstid likevel.

Heilt greitt å reise med denne flytypen. Like bra beinplass på 1D her som med SAS, så du har ingenting å frykte @Eddie47. Morsomt med dei små skjermane under bagasjehylla.

Fikk så smått panikk under take-off, når vi steig så bratt at det kjendes ut som om vi skulle tippe bakover. Heldigvis har ikkje litt adrenalin i blodet takk livet av nokon.

Swiss serverar framleis GT, og servicen var strålende på ein kort flight. Vi fekk presentert fleire smårettar på eit brett og kunne velge fritt. Det var då ca 40 min sidan sistelunchen og omtrent ein time til middag, så uansett kor fristande det såg ut vart det ikkje mat på flyet. Unntatt sjokolade. Kven seier nei til Willy Wonka sized sveitsisk melkesjokolade? Sjå meg i auget når du svarar!

Såg også ein A380 i ny LH livery for fyrste gong i dag. No er eg fødd med ein spesiell følelse for den gule tranelogoen, men den nye er knalltøff og tek seg veldig godt ut på 380. Size does matter.

Og no er det straks middag i Zürich.
#sukk, #livets_små_gleder

 

Gjekk for smaksmenyen i kveld, og det var flaks!

For sjølv om fyrste retten smakte og såg meir ut som spekesild enn "smoked salmon trout" så var dette det beste eg har smakt på alvorleg lenge. Heilt fantastisk godt, og følgjene var at eg nesten heilt gløymde å ta meir bilder.

Men fikk med den steikte dua. Den var også god, spørs om det blir å legge ut ei rottefelle på fuglebrettet i romjula (det er mykje due heime).

Vinane som var anbefalt passa perfekt. Dette måltidet var åleine verdt alle våketimane på fly siste veka.

Og så er nøkkelen til sigarsafen lokalisert!

 

Veit ikkje heilt, men fisken såg ut som sild.

Fantastisk godt var det i alle fall.

 

Eg trudde ikkje slikt gjekk an heller (eg synes bakkeservice til LH i Bogota leverte varene). Eg har lest om det på DYKWIA-tråden på Flyertalk, men trudde aldri eg skulle få høyre det med eigne øyrer. Det fins alt for mange idiotar, og alt for få elektriske dressurhalsband i verda.


Har komt meg ombord til SAS igjen. Herregud kor eg har savna dårlig beinplass! Eg og sidemannen delte ei kube i kveld, men ingen av oss opna den. Når FA med anklagande blikk kom for å samle inn rusk så stirra vi berre forbausa på kvarandre (eg og sidemannen (eg blunka til FA mens eg rulla med auga mot sidemannen - koko!)). Heldigvis fins der sjokolade og Larsons!

 

Eg var litt utydeleg der ser eg. Det var overhøyrt ved eit nabobord, mykje svenskar og nordmenn der i går. (Og for alt eg veit var det gjerne ein person som er innom annankvar dag, men som vanlegvis ikkje røykjer sigar. Men det var morsomt der og då.)

Og i går kveld var turen slutt. Ankomst OSL ein halvtime for seint. Kaldt og jævligt. Rett på hotellet, utan statusfordelar, igjen (men Radisson Rewards har lenge vore i fritt fall). Heldigvis blir helga betre, med fredagskveld, folköl, falukorv og familie.

Høgdepunkt på turen: Ankomst FCT med @Travellingalf for fyrste gong.
Kjappast pulsendring på turen: Å gå med synkande puls ut frå sikkerhetskontrollen i Bogotá mot nærmaste lounge for så å gå i instant-hjerteinfarkt-modus når tre colombianske politimenn kjem mot meg og stoppar meg. Heldigvis kun for å sjekke kontantbeholdning -> puls ned igjen på to-sifra.
Varmast på turen: 90 grader celsius på brua når vi gjekk av flyet i Panama City.
Beste mat: Røkt lakse-ørret i loungen i Zürich.
Beste vinflaska fått av flyvertinner i løpet av turen: Chateau Du Crest (på LX1217).

God jul!

 

Heilt sikkert, eg oversette berre frå menyen. Er det noko eg har lite greie på så er det trøflar og morklar.