Takk for artig reisebrev så langt! Og god tur til Kaohsiung! Art Pier 2 holder etter sigende fortsatt koken og kan være verdt å besøke
Art Pier 2 er et must om man er i Kaohsiung! Var der i september i fjor, råkult selv man er en ukultivert trøndersk barbar som meg selv. Dra på ettermiddagen så du får med deg hvordan det er i dagslys og spesielt etter solnedgang når området og kunsten lyssettes.
Skal snart til nabolaget (Bangkok), men Taipei blir det nok lenge til jeg reiser til (om overhodet), så det blir nok ikke meg. Misforstå meg rett, ingen feil med Taipei, men det er så mange andre steder som frister mer og så lite tid.
Lyntoga går med ulik fart då somme stoppar oftare enn andre. Vi hamna på eit tog som brukte ein halvtime lenger enn det føregåande (som vi ikkje orka å stressa for å rekka). Toga går ofte, gjerne tre—fire gongar i timen. I økonomiklasse var det på vårt tog 2+3 sete. Det var òg cafésørvis i form av ei tralle som kom rundt og folk kunne handla frå. Elles var det god plass mellom seteradene, det tidobbelte av det du finn på fly i bermeklasse. Sitjekomforten var ikkje så verst. Diverre fekk eg ikkje fotografert noko fordi eg rett og slett gløymte det. Vi oppdaga sjølvsagt at lyntoget ikkje går heilt fram til Kaohsiung sentrum, men til ein forstad utanfor — som hadde MRT-bane inn til byen (ei reise som tok rundt eit kvarter). Dette er ganske vanleg, har eg lese meg til på Internett. På endestasjonen vart det litt fiskefôr på oss:
Ein ettermiddag og kveld i Kaohsiung I etterpåklokskapens lys burde vi hatt meir tid i Kaohsiung. Inntrykket eg sit att med etter ein halv dag her er at Kaohsiung er trivelegare og arkitektonsk finare enn Taipei. Etter sushi og koffertparkering på Zuoying lyntogstasjon tusla vi bort til Lotusdammen. Her ligg det fleire tempel. I tjuefem grader var det godt å vera ute! Først støytte vi på Kaohsiung Konfucius-tempel som såg tradisjonelt og fint ut. Konfucius var ein kinesisk filosof. Han levde for rundt 2 500 år sidan og meinte at statar burde bli styrt av moral og ikkje valdsmakt og han meinte at menneske i utgangspunktet var gode. Tempelet er Taiwans største i sitt slag og stod ferdig i 1684, men vart rekonstruert i 1976 etter forfall over lang tid:
Vi tusla vidare rundt Lotusdammen og her dukka det opp eit slags nymotens tempel. Dette stod ferdig i 1996, men var likevel verdt eit lite fotostopp. Her er Zuoying Yuandi-templet:
Like ved var det ei samling ønsketre. Her kan du skriva dei ønska du har for livet og verda og skriva desse på ei treskive og hengja dei opp i treet. Det var to ønske som fanga interessen min. Den første var litt humoristisk og høgst truleg eit stort kompliment til Taiwan: Den andre fekk tankane mine til å spinna. Kva gjorde at Yang ville bli elska for alltid? Var det snakk om ei nyforelsking og alle dei yre og fine kjenslene det medfører? Var det eit forhald som hadde tatt slutt? Hadde Yang gått bort? — Men størst av alt er kjærleiken.
Litt videre fann vi Chiji-templet. Her fekk vi tilbod om ei gratis omvising, men vi takka nei då vi hadde planar om å få sett litt av sentrum i Kaohsiung, òg: Like ved låg eit fantasifullt utforma 'utsiktspunkt: Dette var for å sjå på drake- og tigerpagodaane like ved, begge ferdigstilt i 1976, men no under renovasjon:
Etter turen rundt Lotusdammen henta vi koffertane våre frå eit bagasjesjeskåp og tok MRT-banen til hotellet vårt. Vel framme i sjølve Kaohsiung tok vi turen Pir 2 med alle kunstverka. Bygningar er pynta og figurar er fleire stader. Ein unik stad etter mine auge. Vi lar bileta tala for seg:
Kaohsiung er i alle fall ein meir fotogen by i kveldslys enn det Taipei er, så eg gjekk litt bananas med fotografiapparatet i dag:
Og det vart mat på Liouhe nattmarknad. Her var det ganske triveleg og betre plass enn i Taipei, men elles ganske likt. Mette vart vi: Og reisefølgjet vann endå meir på desse automatane:
Overnatting: Kaohsiung: City Suites Kaohsiung Zhen'ai Litt utanfor sentrum, men standarden er høg og prisen, 700 kr per natt, var ikkje så ille. Du får meir enn du betalar for. Rommet er romsleg. Kort sagt, her likte eg meg!
