Lausanne dag 1 Dagen starta med innhenting av papirkart og litt vergeassistanse (ikkje nødverge!) frå turistkontoret i Ouchy ved breidda av Lac Léman. Triveleg tøtte. Hjelpsam. Lac Lémans kvite svane?
Det er rundt 130 000 menneske som deler på fasilitetane som ho lause Anne kan tilby. Heile byen ligg i ein bakke, så det blir fort både nokre oppturar -- og nedturar. Vi skriv 21/6-19 og det er +20 og overskya. Ein fin dag for byutforsking!
Det olympiske museum Ved strandpromenaden ligg Le musée olympique. Her kan ein lære litt om det som er kjent om dei opphavelege olympiske leikane i det antikke Hellas. Vidare blir vi kjent med bakgrunnen for etableringa av dei olympiske leikane slik vi kjenner dei i dag.
Lausanne er, av alle ting, den olympiske hovudstaden. Lillehammer er ikkje det, om du lurte. Det er ikkje til å unngå å bli imponert over alle dei mange enkeltmenneskeprestasjonane som ligg bak alle OL-medaljar. Slikt gjer meg rørt. Og dei er så unge alle saman! Likevel er det trist å sjå kor liten del av dette nokså store museet som er via til paraolympiarane. Deira prestasjonar får, i mine augo, andres sigrar til å bleikna. At IOC-verda (og andre) så lenge har nesten gøymd bort paraolympiadane så lenge er skuffande. Heldigvis er det andre tider no og denne gjengen av heltar kjem meir og meir fram i lyset. Det olympiske museum kostar 18 sveitserfranc i inngangspengar. Her kan ein bruke ein del tid både til mimring og interaktivitet
Lønsj på Il Ghiotto Like ved katedralen vart det oppdaga at eg var svolten. Menyen var på froskeetarsk, men fôr kom på bordet. God hovudrett. Karamellpudding til dessert var heilt knall: 20 sveitserfranc for denne moroa.
Ser ut som en fabelaktig utnyttelse av en lørdag i Lausanne! Edit: det påstås at det er fredag idag i Europa. Tas til etterretning.
Utsiktstårnet i Lausanne Instruksjonane for å kome seg inn porten står på fransk. På verdsspråket fransk. Eg er ingen verdsmann. Så her må ein mote seg opp med iskrem. +20 grader.
For å koma deg opp i tårnet i Parc de l'hermitage trykkar du på ein knapp i porten. Det same gjeld når du skal ut. På ein klår dag kan bileta bli fine, ikkje som i dag:
Ikkje denne gongen (heller). Det er mogleg at eg innimellom brukar nemninga 'froskeetarsk' om det mest utbreidte språket her i området og ikkje om innhaldet på menyen. Mine franskkunnskapar er for øvrig i beste fall svært avgrensa...
Konsertkveld i Lausanne Denne helga blir det arrangert noko dei kallar 'Musikkfest', eller 'Fête de la musique' på fransk. Det betyr at det over heile byen er små og store scener der artistar speler konsertar heilt gratis og ein kan kome og gå som ein vil. Eg fekk med meg to konsertar: Den eine med ein kar som spelte akustisk gitar og song eigenkomponerte viser på anglosaksisk med ein del vittige kommentarar på fransk innimellom: https://www.fetemusiquelausanne.ch/concert/joshua-howlet/ Den andre konserten var med ei gruppe som spelte ei blanding av blågress- og irskinspirert musikk med sterke under- og/eller overtonar av country: https://www.fetemusiquelausanne.ch/concert/beauregard-boys/ Unge, for meg ukjende, men flinke folk. Perfekt for ein fredagskveld! Ingen bilete frå kvelden, så her er Lausanne-katedralen m.m.:
Det viste seg at hestereddik ikkje er ein type hest men ein type reddik... Eller pepperrot, som vi ofte sier i Norge Tusen takk for en nydelig reise så langt
Rar som eg er, går eg utifrå at når folk ler rundt meg, så er det eit eller anna morosamt på gang. Skulle gjerne ha visst kva det var dei flira av...
