Vandretur frå Orbe til Vallorbe Sundag er turdag og kvikklønsjen vart pakka i sekken og plutseleg var ein på veg ut i naturen. Denne rakkaren frakta ein halvgamal trønder den siste biten til Orbe:
Fotturen er i utgangspunktet nokså godt merka, men det er rom for tvil og feilnavigering undervegs om ein ikkje held tunga i rett kjeftament. Totalt er vel tusleturen på rundt 18 km gjennom relativt lettgått terreng, men med nokre gode kneiker (ikkje kneiper) undervegs. For det meste går ein i skogen langsmed ei elv. Det går fint an å kjøle seg ned i ein roleg kulp, noko eg gjorde.
Bading i Lutry 10 minutt med tog frå Lausanne ligg Lutry. Her kan ein kaste seg ut i Lac Léman, noko som vart gjort. Lutry står på UNESCOs verdsarvliste. Eg fotograferte utsikten utover innsjøen: Nok ein fin dag i Sveits er ved vegs ende.
Frå Lausanne til Lutry langs Lac Léman Dagen hos sveitsarane er godt i gang og for min del har eg rusla langsmed breidda av innsjøen Lac Léman frå Ouchy i Lausanne til småbyen Lutry. Turen har tatt meg cirka ein time i nokså rask gange. Utsikten er heilt ålreit: Det er meldt tredve grader i dag, så snart is og lønsj. Først skal ein glo litt på omgjevnadene:
Strålende! Var selv i Sveits for 2 uker siden, men har ikke besøkt den "franske" delen av Sveits enda så her er det mer å utforske! Takk for velskrevet og veldokumentert tur så langt
Lutry ligg ved breidda av Lac Léman og byens historie går tilbake til 900-talet. Middelalderarkitektoren, i hovudsak gotiske fasadar, er godt vedlikehaldne. For min del var det vel verdt å rusle bittelitt rundt i byen ein roleg måndag føremiddag:
I Lutry har mange av husa skodder framføre vindauga. Dei er litt fine synst eg, spesielt når dei er opne:
Montreux Frå Lutry til Montreux vurderte eg båt, men så tenkte eg at det kunne eg spare til returen frå Montreux til Lausanne. Etter å ha surra litt, fann eg no til slutt togstasjonen. Ufrivillig hamna eg i ein åker av druevinrankar på veg hit, men no er det snart 'Bon joure' (eller korleis det no stavast) til S2 som skal gå motsett veg av denne rakkaren: Toga praktiserer venstrekøyring her i Sveits...
Litt ad hoc planlegging av denne dagen gjer at eg ikkje er heilt i vater. Det eksisterte ein plan om å ta turen innom Charlie Chaplin-muséet, men det ligg jo i nabobyen til Montreux. På eit tilfeldig kart såg eg ei toglinje som går opp til Les Rochers-de-Naye 2 042 m.o.h., men eg følte ikkje at ein knapp time på tog er verdt bortimot 700 norske dalerar. Difor er vi på byekspedisjon til fots. Det går oppover:
Oppturen i Montreux held fram. No er eg godt inne i Les Gorges du Chauderon og på veg til Les Avants -- kvar no det er. Det er skilt om tog derifrå, så vi får sjå
Til alle: Unnskuld for store biletefiler. No på farta orkar eg ikkje å køyre bileta gjennom eit filreduksjonsprogram, men eg kan fikse det seinare slik at kvart bilete blir på rundt 500 kb og ikkje 5 mb som no. Igjen unnskuld!
Så, no får det vere nok! No er eg i Sonloup som ligg på 1 158 m.o.h. Då har eg gått opp frå Montreux som ligg på 396 m.o.h. Fin utsikt!
