Reisebrev: SAS pluss versus SJ premium pluss (Oslo--Trondheim)

Jeg startet en Interrail tråd her inne i sommer. Det gikk overraskende bra.

Er spesielt glad i nattog, mye bedre enn å stå opp midt på natta for å rekke er fly til Oslo for å rekke er møte som starter kl9.

Skal bytte fly i Oslo og reise videre til TRD. Skal nok fly over deg underveis.
God tur videre!

 

Innsjekk osv. (fly vs. tog)
Som vi alle veit er det mange små etappar på ei flyreise, der nesten alle inneber køproblematikk (til ein viss grad).

Først skal ein snuska til seg eit transportmiddel, gjerne med bytte, mellom husdøra og flyplassen. Deretter skal ein levera bagasje og få ombordstigningskort. Vidare er det tryggleikskontrollen. Så sit ein tett i tett i loungen. Deretter står ein ved ombordstigninga og blomstrar. Vidare får ein skubba seg veg forbi bermen inn på flyet. Til slutt, etter å ha sige ned i flysetet, må ein venta på at plebeiarane og sjåføren er ferdige med sitt. For ikkje å snakka om når ein skal av!

Då eg kom til togstasjonen no så var det roleg og køfritt. Eg kunne gå om bord i framste vogn heilt åleine. Det skal seiast at det var eit elendig loungetilbod der på spor 15 i tigerstaden, men det gjekk greitt. Ei heller var det nokon som tafsa på meg under påskot av å stoppa terrorisme.

For å ta eit sidespor: eg hadde ikkje vorte lei meg om ein kjekkas, etter å ha utveksla samtykke begge vegar, hadde tafsa litt, men det er som sagt eit sidespor og her er det best å sporveksla seg sjølv tilbake i trygge (jarn)vägar...

Så når ein har dumpa ned i togsetet sitt, så kan ein laga seg eit bol og bli der i mange timar. Det er jo litt fint, eigentleg. Samstundes, har ein dårleg tid, altså 'bråttom', så er tog i overkant langtekkeleg, men relativt stressfritt her i 'premium pluss'....


Vetlehamar i det fjerne

 

Ja, eg skyr pysjamasfly som pesten (om eg kan)! Alle flyavgangar før 0830 er definert (i mitt hovud) som 'pysjamasfly'...

Takkar! Eg skal prøva å få heile toget til å vinka til deg der oppe i lufta!

 

Intermesso frå Gudbrandsdalen
For mange år sidan tok eg dagtoget frå Trondheim til Oslo. Godt nede i Gudbrandsdalen var det ein passasjer som brukte utestemme per mobiltelefon, så heile vogna fekk med seg kva som vart sagt.

På eit eller anna tidspunkt må utestemmepassasjeren ha fått spørsmål om kor han var i verda. Svaret var: Æ nærme mæ Norges største telefonkiosk, hø-hø-hø!

Ulukksaleg nok var nok personen i andre enden av telefonen både tungnem og tunghøyrt, så 'Norges største telefonkiosk' vart sagt på ny og på ny -- med stadig sterkare volum. Vitsen var like artig for for høglytte passasjer som skratta godt òg etter den tiande repetisjonen av ordet 'telefonkiosk'.

Til slutt var vel vitsen likevel oppbrukt, for med eit oppgitt sukk stønna vår høglytte medpassasjer fram 'Ringebu. Æ e på Ringebu...'...


Kveldslys over Ringebu

 

Eg har høyrt snakk om folk som med bil har gjort unna turen frå Tromsø til Oslo meir effektivt enn med fly. Mest truleg ganske ulovleg fart heile vegen... Og det er mogleg at eg har vorte lurt trill rundt...

 

Ytterlegare servering (mot betaling)
Ved middagstid vart eg litt svolten igjen. SJ har ein meny som tilsynematande skal ha eit lokalt preg, men pølse, burger og pizza dominerer delar av menyen. Les meir her.

Eg gjekk for ein Tolga-pizza (tydelegvis frå Østerdalen, sjølv om vi var i Gudbrandsdalen). Han var god på smak, passe stor og metta. Rett nok vart prisen nærmare 200 kr for pizza og Solo (ja, eg drikk som eg (ufrivillig?) lever (#avsporing))...

Ein kunne kanskje ha forventa at eitt måltid frå restauranten var inkludert i ein togbillett til 1 899 kr, men det er tydeleg at det er setet ein betalar for, ikkje så mykje meir.


Pizza frå Tolga...

 

Like før sk368 fyres opp, så måtte finne ut hvor du er i løypa. Skal vinke nedover i 19:20-tiden tipper jeg.

 

Godt å se svenskene leverer, men må si jeg synes de kunne spandert litt mer mat enn den smålige lakse-wrapen for såpass mye kroner... men er vel som du sier det er setet og plassen du betaler for. Riktig god tur videre over Dovrefjell og oppover

 

1899,- må jo sies å være en noe stiv pris ..
Eller?

 

Litt meir om setet
Som sagt er setet breidt (eller så er det eg som er smal? (#snikskryt???)) og då eg såg setet kom følgjande tekstlinje til meg:
Æ har fire fine lænestola,
og en gammel parasoll mot sola,
beste tomta i by'n!
-- Du e heljdig, du Ola!
Royal Garden legg på motsatt side
og skjærme' for slakteriet,
polet, politistasjon' og ræstn i tå' jorda!
(Ola Uteligger)

Setet er godt å sitja i. Og ja, det er ein lenestol. Digg for ein ettermiddagstur med toget. Eg synst det er fint å kunne bikka seg litt tilbake etter å ha ete middag, i alle fall av og til. Det fungerte utmerka her!


Fullt utstrakt hjå SJ

Det er nok akkurat dette setet som SJ nord tar seg ganske godt betalt for. No kunne eg ha kjøpt ein ikkje-refunderbar billett og slik sett spart rundt 500 kroner på kjøpstidspunktet, men akkurat då, ei veke før avreise, var eg usikker på både dato og klokkeslett. Fleksibilitet kostar!

 

Det var nok eit veldig riktig tidspunkt for kl. 1935 stoppa toget på Berkåk!

 

Ja, absolutt! No betalte eg denne prisen for fleksibiliteten si skuld i tilfelle det oppstod endringar. Som nemnd i førre innlegg trur eg at eg kunne ha kome unna med 1 299 kr (hugsar ikkje nøyaktig pris), men då utan sjans på refusjon.

 

10 ekstra poeng for benklærnes dessin & coleur.

 

Pro et contra (konklusjon)
Kva er så best av SAS pluss og SJ premium pluss? Det kjem sjølvsagt an på mange ting, men toget vinn soleklårt på setet, men pris og tidsbruk er to store ulemper.

Nesten 2 000 kroner for eit godt sete og fleksibel billett er kanskje det det skal kosta, men eg hadde vore meir nøgd om eg betalte for ikkje-refunderbar billett til rundt 1 300 kroner. Då kan toget konkurrera med SAS på pris (rett nok mot pluss pro).

Den inkluderte wrapen var god, og mykje meir innhaldsrik enn det SAS tilbyr. I tillegg kan SJ by på lefser, sjokolade, kaffi, kakao og te som ein kan forsyna seg fritt frå gjennom heile turen.

Tidsmessig kjem toget seint... kremt... sist...øh... dårlegast ut. Du må ha tid til å bruka nesten sju timar frå Oslo til Trondheim, men du slepp unna alt sikkerheitskontroll, kø og skrot som flyplassar gjerne medfører. Så tog medfører kanskje større grad av kvilepuls.

Konklusjonen for min del er at eg denne gongen betalte for mykje, men at eg gjerne tar SJ nords 'premium pluss' igjen, men då til den ikkje-refunderbare prisen. Då er det verdt det -- om eg har tid!


SJ på Heimdal

 

Rødt er søtt! Er det ikkje det dei seier?

 

Via Sverige er det 1740 km å kjøre. Hvis vi legger inn mye tid før og etter 2+ timer flytid og sier 8 timer totalt må bilen holde en gjennomsnittsfart på 217 km/t. Vil påstå det er relativt usannsynlig, selv på svenske veier

Men kanskje hvis flyturen var TOS-ANX-BOO-BNN-TRD-AES-BGO-OSL

 

Du glemte å ta bilde av Brumunddal.. der bygde jeg mitt første hus og der ble mine to yngste født ..
Den eldste ble født i Gryllefjord ..

 

Forfatterens evne til gjøre de enkleste ting ( i dette tilfelle togreiser) til eventyrfortellinger som bare må leses er en gave til oss alle!
Ved en annen anledning er kanskje R12 verdt en beskrivelse også? Der er riktignok bare et tronsete, bak en låsbar dør, men der er flere sofagrupper hvor det sporadisk kan oppleves spontan lagbygging.

Atter en gang takk for trivelig reportasje

 

Lokføraren hadde det travelt, så eg rakk det ikkje. Neste gong!

 

Takk for følgjet og varmande ord! Eg tør ikkje lova noko om R12, men ei heller skal vi vel utelukka noko som helst?