Reisebrev: WOW i WAW?

Godt å se både kjøreturen og innenriksturen har gått bra, og at livet på Vantaa er til å overleve. Finnair pleier/pleide alltid å ha bakverk i loungen, både kjeks og kaker, så det bør du se om du finner

God tur videre

 

Selv-tapping av finsk olut og en merkelig ferdig-blandet drink sist jeg var der.

Og både til frokost, lunch, middag og kveldsmat hadde de samme vegetar-lasagna.

Som du sier: hakket under SAS innenriks på OSL

Riktig god tur videre, og det er interessant å følge reisen din!!

 

Pannekaker, ostesmørbrød og tyttebærsaft. Det meste går i nøff-nøffen:

 

Ikkje noko bakverk i dag. Og kjeksene får det skvipet av firstpricekjeks som den gamle innanriksbua på OSL hadde til å framstå som luksuriøse. Takk, men nei takk! Elles er det ålreit, då. Veldig fint med utsikt utover rullebanane.

 

Snodig. Bakverket og kjeksene der pleide å være 100 ganger bedre enn first price sakene på OSL...
Jaja er bare 5 dager til jeg skal innom HEL så da kan man sjekke ut selv

Og ja utsikten hos Finnair er flott, så det gjør loungen verdt et besøk bare for å få litt planespotting

 

Reisa til Warzawa: Femte etappe: Frå Helsinki til Warszawa
Igjen ei ryddig ombordstigning hos Finnair, etter nummererte prioriteringsgrupper. Eg hadde plassert meg strategisk i venteområdet og med medlemsskap i ombordstigningsgruppe nummer éin var eg sanneleg først inn på flyet.

AY1145 er operert av Norra som stiller opp med ein Embraer E190 på turen til WAW. Det er to rader med business med blokkert sidesete, trur eg.


OH-LKL, 14 år gamal

Pute, pledd og vassflaske er delt ut:

Læringspunkt for SAS!

 

Notert etter ombordstigning:
- Eg er einaste pax i C
- Vi har med svært få vokalar
- Flott solnedgang ute
- Puta er god å ha i ryggen
- Pleddet har eg lyst på!
- Kabinsjef kan svensk

 

Og beinplassen på 1D hos Finnair C er ok+:

 

Eg sov bort den første halvdelen av flyginga, men så fort eg vakna kom kabinsjef bort og lurte på om eg ville ha salaten som var dagens servering hos Finnair C. Eg takka ja og glefsa i meg. Enkelt, men smakfullt. Påfyll av blåbærsaft kom fleire gongar samt førespurnad om eg ville ha noko anna. Alt i alt ein ålreit tur.

 

Er det alkoholfritt i Finnair C?

 

Du kunne få alt kva du ville, alkohyl og ikkje Sidan eg sov 2,5 time før dagens tur og treng hjernecella mi no for å finna overnattingsplassen, så gjekk eg for ein kvit laurdag.

 

Overnatting i Warszawa: Hotel Metropol
Sentralt, like ved sentralbanestasjonen i den polske hovudstaden, ligg Hotel Metropol. Av dei variantane eg såg på før avreise kom denne greitt ut prismessig og eg kan gå til alt eg ønskjer å sjå. Storbyar utforskar eg nemleg helst til fots.

Prisen på krypinnet kom på tre tusen kroner for fire netter, inkludert frukost og etterfylling av flaskevatn (fordi vatnet i springen ikkje skal drikkast).







Ein etterslengar om serveringa:
Eg har frukost inkludert og utifrå det eg såg i serveringssalen i dag må du vera bra sær i matvegen for å finna noko ganen din ikkje tykkjer om.

Kortversjonen er vel kontinental frukost med nokre polske innslag (dei eg prøvde (skal ikkje forsøka meg på stavemåtar) var absolutt etande). Her blir ein mett og vel så det!

Så får det berre vera at eg alltid ser etter grovbrød og brunost, men det er nok heller mitt sneversyn snarare enn kokkens og hotellets feil...

Nokre ord om bråk:
Rommet eg fekk ligg i andre etasje. Lydane frå trikkane som køyrer forbi og elles trafikkbiletet utanfor er tydelege (hugs, folkens, at eg bur i Aust-Finnmark), men godt dempa og ikkje særleg til sjenanse.

Det er òg ein del lydinnslepp frå korridoren utanfor rommet, slik at høglytt prating kan bli eit irritasjonsmoment, men eg trur alle har forstått at det er best å snakka lågt og ikkje stå ute i gangen og hyla mot kvarandre.

Kort sagt er det ganske så stille her på bruket, og litt bystøy må ein nok rekna med.

 

Som vanlig kommer jeg litt sent i gang på nye reisebrev. Men har nesten lovlig fravær i dag; rask harry-tur til øst-europa etterfulgt av barnepass i hovedstaden ga lite egentid. Før nå.
For å ta en kortversjon: Riktig god tur, og takk for underholdende brev!

 

Første dag i Warszawa: Tre museum
Når ein først er på ein ny plass, kan ein kanskje prøva å læra noko om denne staden. Denne sundagen la eg turen innom tre museum.

Kommunismemuseet (Muzeum Życia w PRL)
Nettstad: https://mzprl.pl/?lang=en

Ikkje langt unna hotellet ligg eit museum som tar føre seg korleis livet var under kommunismen i Polen. Eg brukte ikkje lang tid her, kan hende kunne eg ha spart 24 złoty ved å gjera noko anna.

Museet er kanskje mest for dei som verkeleg ikkje har fått med seg noko om kva kommunismen førte med seg, så sånn sett eit viktig museum, men for min del vart det litt uinteressant. Likevel var det artig å sjå innreiinga som òg kunne ha vore ein norsk heim på 60- eller 70-talet:



Lett anonym entré

 

Gestapos hovudkvarter (Mauzoleum Walki i Męczeństwa w Warszawie)
Nettstad: http://www.muzeum-niepodleglosci.pl/mauzoleum_szucha

Eit par--tre kvartal unna føregåande museum ligg bygninga som Gestapo brukte som sitt hovudkvarter under andre verdskrigen.

Her har det skjedd titusenvis av avhøyr ved bruk av tortur som å skada familiemedlemmar av tiltalte for å få fram ei tilståing, uttrekking av neglar osv, osv.

På førespurnad kan du få introduksjonsfilmen vist på engelsk. Deretter kan du sjå på cellene som vart brukt og lesa nokre av tekstane som fangar har rissa inn i veggane.


Celletekst i Gestapo-fengselet

Eg kan ikkje mykje polsk, men her greidde eg å tyda 'Død over tyskarane'. Det er kanskje ikkje så rart at ein ønskjer at menneske tilhøyrande ei okkupasjonsmakt skal døy.

Utanom i krig, når elles ønskjer vanlege menneske at andre skal døy? Krig får fram det verste i oss. Vi høyrer liknande fråsegner i dag, til dømes i intervju med overlevande etter massakrane som russiske soldatar utførte i m.a. Butsja i Ukraina.

Sjølve museet er ganske lite, men kan vera av interesse for dei av oss med interesse for andre verdskrigen. Likevel synst eg dei kunne ha gjort meir ut av tematikken på museet, men det er kan hende eit pengespørsmål.

 

Det polske militærmuseet (Muzeum Wojska Polskiego)
Nettstad: http://www.muzeumwp.pl/?language=EN

Litt seinare på dagen rusla eg innom det polske militærmuseet. Dette museet har ein innandørsdel, men her gjekk eg ikkje inn. I staden fokuserte eg på utandørsutstillinga som er gratis. Her står det ein del utrangert materiell som gjer seg ok på eit fotografi.


MiG-21 jagarfly


MiG-29 jagarfly


Yak-40 transportfly


An-26 transportfly


Mi-8, Mi-2 og Mi-24 helikopter

 

Første dag i Warszawa: Ein tur i parken: Lazienki Królewski
Etter dei to første museuma tenkte eg at det var fint med ein tur i parken. Ved eit mistak hamna eg i den botaniske hagen, inngangspengar eg kunne ha spart meg. Her var det ikkje mange blomane som bløma, bortsett frå desse rakkarane:

 

Til slutt kom eg til parken Lazienki Królewski, den største i Warszawa. Her fann eg ein benk med god utsikt til ein kar som ser ut til å ha vore ei skikkeleg dramaqueen, Fryderyk Chopin, om statuen speglar røynda:

Ein kjekkas som hadde fått spelt på mine pianotangentar om vi hadde levd samstundes, ja (dersom det er lov å seia)

På benken ved Chopin slappa eg litt av med eit eple og ei gulrot medan eg tenkte på livet. Om denne hårfine rakkaren tenkte på det same, sjå det veit eg ikkje sikkert:

 

På benken i parken vart eg vitne til ein gjeng som skulle trena ute. Her observerte eg tre mennesketypar som kom til syne i pausen mellom to oppvarmingsøvingar:
- Den sjølvopptatte: Selfie og fiksing av hår
- Strevaren: Byrjar på neste øving på eiga hand
- Min favoritt: Sit roleg på ein benk inntil ny øving


Litt japansk påverknad

 

Første dag i Warszawa: Ein tur i gamlebyen
Resten av dagen brukte eg i paradegata Nowy Swiat og gamlebyen. Her er det mykje folk å sjå, så eg mysa etter beste evne. I tillegg er det mange butikkar retta mot turistar, men ikkje berre det.

Gamlebyen i Warszawa er vel verdas nyaste gamleby, då han vart gjenoppbygd omtrent frå botn av for rundt 50 år sidan, dette fordi Warszawa vart kraftig øydelagt under andre verdskrigen.


Der Nowy Swiat møter gamlebyen


Eit hanseatisk utsjåande torg i gamlebyen


Hus med dekor