Førstereisgut til Aten

Ja dette var sannelig også et reisemål en må besøke. Takk for inspirasjonen og reise brevet

 

Siden deler av reisefølge har notert spisestedet så kan jeg informere om at denne middagen ble inntatt på stedet med lite gresk i navnet, men svært god mat. Stedet het "A Little Taste of Home Resturant"

 

Tredje dag i den greske hovudstaden
Igjen starta dagen med ein runde rundt i byen i grasiøs joggestil. Vel, kanskje ikkje så grasiøst, men eg kom meg no rundt lenge nok til at skrotten vart godt temperert og dekt av eit glinsande lag sveitte.

Etter frukost gjekk turen til Akropolismuseet. Her står ei rekkje av dei originale skulpturane, steinutskjeringane m.m. frå utgravingane på og rundt Akropolis. Under museet har grekarane tatt vare på dei funna som vart gjort på museumstomta. Dette er vel verdt eit besøk, sjølv om museet er svært!


Ein rekonstruksjon av Akropolis med omeign


Akropolis i føremiddagssol

 

Etter å ha vorte solid overvelda på Akropolismuseet vart turen lagt bort til Lykabettos. Dette er ei høgde som ragar rundt 300 m.o.h. På toppen ligg eit kapell tilegina Sankt Georg, ein restaurant og det går taubane opp. Det var såpass fint vêr at det freista mest å rusla opp til fots. Ein ålreit tur og ein fin utsikt. Iskremen dei serverte på restauranten på toppen var av høveleg storleik!


På veg opp mot toppen av Lykabettos


Klokketårnet i tilknytning til kapellet på toppen av Lykabettos


Toppen av Lykabettos sett nesten frå amfiteateret like ved


Utsikt frå toppen av Lykabettos


Utsikt i retning Akropolis frå Lykabettos


Ein bitteliten iskrem servert på Lykabettos

 

På veg tilbake til hotellet frå Lykabettos vart turen lagt innom Krigsmuseet. Her kan ein bli kjent med korleis den greske nasjonen har kjempa frå antikken og fram til i dag. Det var eit ålreit stopp, men fleire av utstillingane var berre teksta på gresk, noko eg slit litt med å forstå.

Etterpå gjekk turen gjennom Atens nasjonale hage. Dette er ein nokså stor park litt vest av Akropolis. Her kan ein slappa av på ein benk eller berre rusla litt rundt utan å vera omgitt av asfalt eller hus ei lita stund.

I denne hagen ligg Zevstemplet, men det var under renovasjon. Like ved ligg Hadrians boge. Sånn sett er det ikkje berre plantar og gras her. For å koma bortåt Zevstemplet må ein betala inngangsbillett.


Zevstemplet, Aten


Hadrians boge, Aten

 

Utan mat og drikke dug visstnok helten ikkje, er det meg fortalt. Igjen har eg ikkje notert meg kor måltidet vart inntatt, men der får eg vel plutseleg svar, så då blir akkurat denne teksten redigert om til fordel for eit restaurantnamn. Maten som vart servert var god og igjen ein nydeleg liten dessert.


Litt gresk pasta


Litt gresk dessert

 

Eit par bilete frå den greske hovudstaden i kveldspryd:



Denne dagen vart det rusla rundt 24 000 skritt.

 

Fjerde dag i Aten
Den aller siste dagen i Aten vart ein kort ein. Flyet gjekk i 1300-tida, så det var eigentleg ikkje tid til så mykje anna enn å pakka kofferten og ta t-banen ut til flyplassen.

Heldigvis (?) vakna eg grytidleg og tok igjen turen ut i byen i joggetempo. Turen gjekk rundt Lykabettos, forbi Atens nasjonale hage og Panathinaïkó stádio. Det er noko med å sjå byen vakna til live medan ein sjølv er i aktivitet. Det er fint.


Ein litt odd figur, Aten


Panathinaïkó Stádio


Hadrians boge og Akropolis i bakgrunnen

Etter frukost, tannpuss og koffertpakking var det berre å ta farvel med Aten og Akropolis og venda nasen nordover og heimover. Det er ingen tvil om at vêret viste seg frå si beste side med sol kvar dag, så det var ikkje å forakta. I tillegg var temperaturen på rundt 20 grader, noko som var litt mildare enn det Aust-Finnmark stilte opp med på same tid.

Sjølv i løpet av denne dagen vart det 23 000 skritt.

 

Og med dette avsluttar eg dette vetle reisebrevskribleriet frå den greske hovudstaden. Det var etter mi meining slett ikkje dumt å bruka eit par dagar her.

Til slutt eit par bilete frå aller siste kvelden der Lykabettos og folkemengda som vil fotografera Akropolis er motiva. Takk for oppoverretta tommeltottar, kommentarar og meir til!


Aten og Lykabettos


Akropolis er eit populært fotomotiv

 

Heilt til slutt ein brannfakkel frå Atens grafittimiljø:

 

Det var bra, for det så ut som at det trengte litt mer enn et strøk maling.

Takk for nok et herlig reisebrev!

 

Dette er éin av to turar som skjedde i november 2022. Sidan då har eg knapt vore utanfor bustadskommunen, og i alle fall ikkje utanlands. Det er berre produksjonen av reisebrevet som har vore litt forseinka....

 

Kanskje på tide med ein ny tur? Du kan vel svi av nokre EB-poeng denne gongen? Og etter Aten stikka ut på ein av dei mange greske øyene med Aegean? Det kan vera at mor ikkje umiddelbart protesterer... Hm, mogleg eg drøymer meg bort her no og tenkjer på kva eg sjølv kanskje gjerne skulle ha gjort – om tida hadde strekt til...!

 

Takk for følgjet og alskens!

Det er mogleg dei må leggja litt grunning òg, ja!

 

Middagen denne kvelden ble innatt på Thes Greek Creative Cuisine

 

Jeg var i Athen for to år siden. Jeg forventet ikke noe godt av byen, men nå er det et av de vakreste stedene jeg noensinne har vært. Jeg vil tilbake dit igjen. Kanskje det er på tide å planlegge en tur til Athen igjen.