Reisebrev: Æ ska farsken ta mæ på ferie! – Ei uventa reise dit og tilbake... (Island)

Høgtlesing for eks-truloveden vekkjer åtgaum!

 

Hels så enormt mykje! Måtte både lesar- og lyttarinteressa halda fram!

 

Siste stopp for dagen vart Siglufjörður. Her starta vi opphaldet på Síldarminjasafn, eller Sildemuseet, om du vil. Siglufjörður var plassen der det islandske sildeeventyret byrja, med nordmenn som føregangsmenn. Museet er spreidt over fleire bygg som er breiddfulle med gjenstandar. Her får du òg læra om kvifor Siglufjörður i Island og Gamvik i Noreg har lidd same lagnad.

 

Nokre bilete frå denne dagsetappen.


Gråvêr, sjøh!


Gamalt fyr ved Siglufjörður


Stader med sildefabrikkar i Island (nedlagde og i drift)


Full kok i hamna då Siglufjörður var sildehovudstaden


Ein fin køyreetappe på rundt 120 km

 

Norðurstrandarleið del 4: Frå Siglufjörður til Akureyri med ein sving oppom Mývatn
Neste dag vakna vi til strålande sol, så det vart ein kjapp runde rundt i Siglufjörður på morgonkvisten.


Siglufjörður

Deretter suste vi til Ólafsfjörður for ein kort stopp hos Klara som hadde mat. Det er viktig å passa på måltida!

Deretter gjekk turen til Hauganes der eg ville bada i badekar som står med sjøutsikt, men reisefølgjet insisterte på kveldsbad, så då køyrde vi vidare.

Hauganes

Gásir vart neste stopp, ein handelsplass med ei over tusen år gamal historie, men lite er synleg for det blotte auga. Difor kjem det her eig bilete av ein hest:



Køyreruta inn til Akureyri

 

Allereie rundt kl. 1400 var vi i Akureyri. Difor stakk vi rett på Flugsafn, flymuseum altså. I ein hangar ved Akureyri lufthamn er det mykje å mysa på.


Eit tidlegare kystvaktfly


Selskapet som vi kjenner som Icelandair


Den tøffaste av alle!

 

Vi hadde store vanskar med å få betalt på parkeringsautomaten i Akureyri. Ein heil halvtime prøvde vi, men ingen av korta våre vart akseptert. I mellomtida fekk alle andre betalt. Difor tok vi sjansen på at det ikkje var kontroll den dagen. Sjølvsagt kom parkeringsvakta medan vi åt middag og vi fekk bot. 3 000 islandske kroner... Ja, vi burde ha leita fram ei anna parkering, men sånn kan det gå.

Litt mutte la vi ut på vegen til Mývatn, eit område med høg geotermisk aktivitet som ligg rundt 80 km søraust av Akureyri. Første stopp vart ved nokre såkalla pseudokrater som oppstår når lava kjem i kontakt med vatn (om eg skjønte det riktig).


Pseudokrater ved Mývatn

 

Vi fann så ut at det var på tide å lauga seg. Kva stad er ikkje då betre enn Jarðböðin, Nord-Islands 'Blå lagune'? Her låg vi og duppa i eit par--tre timar i ulike delar av badet -- og ergo i ulike temperaturar. Reisefølgjet la kortet sitt i baren og det var praktisk. Eg meska meg med både Islands versjon av Solo-brusen (Appelsín) og sjokomjølk. For eit herleg liv!


Jarðböðin

 

Før vi returnerte til Akureyri stoppa vi innom ei lavagrotte, Grjótagjá, like ved Jarðböðin. Her kan ein 'sjå, men ikkje røra'. Å stå inne i grotta og kjenna varmen frå vatnet i botna av henne kila deg i kjakene var spesielt.


Grjótagjá ved Mývatn


Det er eit godt stykke mellom Akureyri og Mývatn, rundt 180 km tur/retur

 

Spennende tur @Kristian !
Hvordan er det å finne overnatting?
Hoteller eller noe?

 

Norðurstrandarleið del 5: Akureyri og Mývatn
Dagen starta med å gå i banken (den fysiske) for å betala parkeringsbota frå dagen før, samt ein tur på nettsida til det islandske vegvesenet for å betala bompengar då vi hadde passert ein av tunnellane som krev slikt.

Litt fattigare myste vi på Akureyrarkirkjan. Her gjekk tankane til ein trudelutt frå syngespelet 'Spelemann på taket' som i Lasse Kolstads versjon blir innleia med: 'Kjære Gud, du har skapt mykje fattigfolk. No veit eg at det er inga skam å vera fattig, men det er inga stor ære heller. Så kva hadde det gjort om eg hadde hatt litt medel?' Kjære lesar, kva heiter songen?


Akureyrarkirkjan

 

Åh, overnattingsopplegget vårt er eit lite eventyr. Eg tenkte å skriva ein eigen post om dette til slutt. Kortversjonen er at det stort sett er hostell vi har fått plass på. Vi førehandsbestilte alt to dagar før avreise og det var svært utplukka... Meir om dette ved vegs ende

 

Neste stopp på programmet vart Lystigarður, altså den botaniske hagen. Dette er ei lita perle av ein plass. Og kaffien på kaféen var ifølgje reisefølgjet heilt innanfor. I solsteika var det godt å vera!


Lystigarður, Akureyri

 

Etter dei urbane inntrykka i Akureyri tok vi på ny turen til Mývatn. Denne gongen starta vi med ein tur til den aktive vulkanen Krafla. Det skulle ha vore mogleg å rusla opp til toppen av vulkanen, men stiane dit var sperra utan forklåring.

Like i nærleiken fann vi då eit område som heiter Leirhnjúkur. Her er det flust av geotermisk aktivitet og ein kan gå rundt og kjenna lukta av svovel og elles la seg slå i bakken av alt rundt seg.


Det sydar og koker


Lavalandskap ved Krafla


Jordvarmeanlegg ved Krafla

 

Ikkje langt unna Leirhnjùkur ligg Hverir, ein annan del av dette høgst aktive vulkanske området rundt Krafla-vulkanen. Her boblar det i gjørma, dampen står ut av små steinformasjonar og du kan bokstavleg talt kjenna det er aktivitet under føtene dine. Fascinerande!


Hverir ved Krafla


Hverir ved Krafla

 

Deretter gjekk turen til ein stad som mange trur er eit orkester med eit litt bråkande musikalsk uttrykk, men som 'eigentleg' er ein lavasteinformasjon ved Mývatn på Island: Dimmuborgir. Den mørke borgen. Her kan ein gå rundt i godt opparbeida stiar og la seg forundra over naturen.


Lavasteinsformasjonar i Dimmuborgir


Her ser eg elefantar i steinane, men andre ser kanskje noko anna?

 

Dagen vart avslutta med eit bad, denne gongen i Skógarböð som ligg fem minutt frå Akureyri. Her badar du i vatn frå ei varm kjelde medan du er omringa av, som namnet tilseier, skog. Ein herleg liten oase!


Eit lite snikfoto frå Skógarböð


Solnedgang over Akureyri

 

Akureyri har det meste, og noko av det artigaste er søppelbøttene som heng på lyktestolpene: dei har fått strikka eit sjarmerande plagg til seg:




Til slutt eit stemningsbilete frå hovudgata:



Det vart litt køyring i dag, òg

 

Norðurstrandarleið del 6: Frå Akureyri til Svalbarð
Etter to netter i Akureyri gjekk turen til Húsavík, kvalfangarhovudstaden på Island. I dag er dette utgangspunkt for kvalsafari, men vi stakk til fjells.

Húsavíkurfjall er eit lettgått topptur opp til cirka 450 m.o.h. Dette er nok til å få ein flott utsikt utover byen Hùsavik, fjorden og landskapet rundt. Vi brukte totalt to timar, inkludert ein lønsjpause på toppen på rundt tre kvarter.


Fjellet


Utsikten

 

Vel nede gjekk vi på Hvalasafnið, kvalmuseet i Hùsavík. Det er eit ålreit lite museum og verdt turen, kanskje mest for å sjå kvalskjelett i full storleik.


Blåkvalskjelett


Húsavík med fjellet 'vårt' bak kyrkja