Tusen takk for helsingar! Leif Juster omtalte i sketsjen 'Mot normalt' statistiske meldingar som 'notoriske usannheter'. Når Leif har sagt det, så må det vera sant!
Vi unnar oss ei avsporing (bokstavleg talt!) til Železniški muzej Slovenskih železnic, eller Slovenias jarnbanemuseum, om du vil. Her fann eg mykje artig! Tog er skøy! Kva med eit splitter nytt lokomotiv til ei dertil passande jarnbanelinje heime? Les samferdsleministeren dette? Eg håpar det! Knallmykje lokomotiv for pengane her: Bergensbanen har altfor lite materiell. Her ser eg løysinga for framtida: Kva med ei ny passasjervogn på Nordlandsbanen? Denne kan vel illustrera kor mykje det blir satsa på jarnbane i Nord-Noreg: Sidan Bergensbanen for det meste går i tunnell så er det vel ikkje så farleg om nye vogner er litt ekstra luftige:
Dette er frå den delen av museet der det ikkje er gjort noko med materiellet. Museet har to bygningar der det blir vist fram materiell som ser nesten nytt ut, men det er mange gamle travarar der inne. Og billetten er snedig: Dressin hadde vore kult å ha!
Det er vel ćevapčići som er korrekt skrivemåte. Du legger hardere trykk på č enn ć, så kan du bestille det mer korrekt edit: ser det faktisk er med kun č på slovensk, har visst vært for mye i Kroatia..
Etter jarnbanemuseet tusla eg bort til Tivoli, som er ein park. Her rusla eg litt rundt for å la inntrykka frå tidlegare på dagen synka litt inn. No hadde eg håpa på å finna eit punkt som gav litt utsikt over Ljubljana, men det lukkast eg ikkje med. Likevel var det fint å rusla litt og eg var berre fem meter unna eit rådyr, så det var stas! Gode stiar å gå på i Tivoli Ei rose er utsprungen
Frå Tivoli var det ein kort rusletur inn til sentrum igjen der eg tassa litt rundt. Kveldssola var varm og fin, så det var ålreit å vera til. Festningen tronar over byen Dei tre bruene Sentrum av Ljubljana
På ein av serveringsstadene vart det framført musikk. Ein artist var innom gamle svisker som 'Blueberry hill' (Fats Domino), 'Always on my mind' (Elvis Presley), 'Hotel California' (The Eagles), 'Another brick in the wall part II' (Pink Floyd) og mange andre. Det var ålreit å lytta til medan eg åt iskrem og skreiv postkort. Då klokka nærma seg ni, på det tidspunktet hadde eg vore ute på farta i 12 timar, labba eg dei få hundremetrane tilbake til hotellet og tok etter kvart kvelden etter ein fin dag i Ljubljana.
Haha, eg elskar språknerdinga! Č er vel same lyden som 'tsj' (les: atsjo) og Ć er vel same lyden som i 'ts' (les: tsk-tsk-tsk). Slovenarane skriv vel den sistnemnde lyden som C utan pynt på toppen Slik har i alle fall eg oppfatta det, men eg langt frå nokon ekspert
Ein måndag i Slovenia Som vanleg vakna eg tidleg og tusla ut for å finna meg litt frukost. Viva rooms har ingen tilbod om dette. Håpet var å finna ein koseleg stad som var open rett i nærleiken, men dette lukkast eg ikkje med. Ingen plassar var opne så tidleg som klokka kvart over sju. No kunne eg ha tatt det kuli, men med ein leigebilavtale kl. 1000 på flyplassen og ein inngangsbillett kl. 1100 i nærleiken av Bled, var eg litt pressa på tid. Og eg ville ta bussen til flyplassen tidleg nok til at eg ikkje hadde tid til litt feilnavigering langs landevegen. Litt slukøyra vendte eg tilbake til hotellet etter ei mislukka frukostjakt, pakka kofferten og tassa dei fem minutta bort til busshaldeplassen. Bussen skulle gå kl. 0830, men kom ikkje deisande inn på haldeplass 28 før kl. 0845. Det var greitt for meg, så eg betalte 3,70 € og ein halvtime seinare kunne eg eta frukost ute ved flyplassen før eg henta ut leigebilen. Nesten cowboyfrukost
En aldri så liten drømmetur dette her! Og for et vær! Hvis du finner en parkeringsplass i Bled, og er i spaseringshumør, kan jeg anbefale en tur rundt Lake Bled. Her går det en natursti nede langs vannet som jeg husker som en fin jogge/-rusletur.
Takk for tips! Dei tre neste dagane er via utandørsliv i det området, men vêret avgjer litt kva eg finn på. Låglandsaktivitetar er fine å ha i bakhand i tilfelle skodde og anna uhumskt vêr
Jeg synes både Ljubljana og Bled er flotte plasser. Parken i Bled er anlagt av den svenske landskapsarkitekten Carl Gustav Svensson i 1890 .... Det var i Bled at skiskytterne Bø-brødrene og Emil H. Svendsen tappet luft av bobilen til Ole Einar Bjørndalen i fylla og badet i Bled sjøen https://www.abcnyheter.no/nyheter/2014/04/11/197602/faen-hva-er-det-som-har-skjedd?nr=1
Etter litt feilnavigering kom eg fram til Vintgar som er ei naturskjønn kløft, ifølgje reklamen. Eg, lettlurt som få, beit på og kjøpte tidsbestemt inngangsbillett til kl. 1100. Det viste seg at eg plotta inn feil Vintgar i navigasjonssystemet. Då eg til slutt fann ei parkering var denne 10 min. med buss unna starten av kløfta. Greitt nok, bussen gjekk ofte og var gratis. Då eg endeleg var framme var eg cirka 40 minutt for seint ute, men eg fekk koma inn, utdelt hjelm og så byrja traskinga. I reklamen stod det at dette var ei oppleving som skulle ta fleire timar. Eg brukte 55 minutt frå start til slutt og tilbake igjen... Og ja, det var køgåing... Hadde eg visst det eg veit no, hadde eg nok droppa denne vandringa, men det var no ganske sånn. Det var no ganske så fint!
Det var ein ålreit tur, men om det var verdt 10 € i inngangspengar pluss ytterlegare 5 € for parkering, sjå det er diskutabelt... Og som nordmann er køgåing ikkje heilt det ein drøymer om... Ja-ja, gjort er gjort. Og det var visuelt fint.