Travellingalf og Stuttfeiten - Pirates of the Caribbean

Mens eg har deg her @Sonictravel;

 

Vi gjorde altså ein kardinalfeil når vi valde å ankomme Curaçao frå Bonaire i går kveld samtidig med alle flightane frå TUI og kven veit kva andre. Fullstendig mayhem i immigrasjonskøen.

Men takka vere det som må vere verdas mest tålmodige taxisjåfør så kom vi oss til hotellet med tre minutt tilgode på middagsreservasjonen vår kl.21:30.

No er vi straks ferdige med tredje timen på stranda.

 

Cabernet Sulphur and Brine, årgang natt til torsdag. Passande akkompagnement til lunchen i buffetrestauranten.

Ha ein fin dag alle sammen!

 

Så er det avreisedag og vi vender nasen heimover.

Sunscape Resort var, hmm, ei erfaring? Positivt var det veldig reint og ryddig på toalett og fellesområder. Reinhaldet av rommet var også heilt ok. Vi var også heldige og fekk oss plass på a la carte restaurantane desse dagane, der mat og drikke heldt ein mykje høgre kvalitet enn ellers på hotellet.

Det blir Max9 på turen til Panama, og vi fekk nylig inn ei venleg påminning frå bekymra bekjente om at vi treng piper og fastnøklar i tommar, ikkje millimeter. Så no er det straks shopping i taxfreebutikken.

Ha ein strålande dag!

 

Det er jo bare å ta et tak for fellesskapet:

 

Rakk aldri å koble til nett i Panama:

Copa Air sin flight 289 vart ein fin tur over Venezuelagulfen og den 5700 meter høge Pico Christobal Colon.
Vi var mentalt forberedt på at serveringa muligens var begrensa til ananaschips som på turen ut, men vart gledelig overraska med gul lasagne og raud vin heilt utan svovel og saltlake. Det var nesten slik at ein kjende ei tåre i augekroken.
Setebeltelyset var på heile turen. Eg reknar med det kan vere for å ha større sjans for at alle passasjerar framleis er ombord ved landing? For det var ein roleg tur, berre såvidt litt merkbar turbulens.
Nesten flettnytt fly, og så lenge ting er skrudd fast og ingenting ramlar av er den nye businesskabinen til Copa i Max9 ein ok opplevelse.
Så ser det ut til at vi skal lande på tid, då skal vi ha ein time og tre minutt til neste flight til Bogota. Og det er i Bogota spenninga ventar. Agenten som sjekka oss inn i Willemstad i dag tidleg kunne ikkje sjekke oss inn på Aviancaflighten til Madrid.
Får vi oss boardingkort og passasje gjennom transit, eller må vi ut på strafferunde gjennom immigrasjon?

(Og ja, Maria Thereza Lovisa i fekk organisert meir boardingkort til oss. No blir det mat i Avianca Diamond loungen ved gate 32.)

CUR-PTY i Max9 var ganske trivelig.


Usikker på om vi ser innsida av denne maskina med det fyrste.

PTY-BOG og den frykta ananaschipsen til lunch.

Men ein fin dag å vere i lufta.

Det har visst regna ein del i Sør-Amerika i det siste. Også i Bogota?

Og så er vi på plass i loungen.

 

Vi tok av omtrent på tid. Det virkar ofte å vere slik når flyselskap helst vil ha passasjerane klare ved gate to og ein halv time før avgang, då er gjerne mange komt seg ombord når dørene skal stengjast.

Travellingalf fann ein hund på turen som han ville ha med heim. Eg vart også glad, for det må vere eit av få gongar eg har vore nær ein hund som ikkje har prøvd (med eller utan suksess) å bite meg. Fordelen med hundar opp mot hestar er at sjølv om begge bit, så sparkar ikkje ein hund like hardt som ein hest. Og så trur eg det er mindre kluss i kabinen med ein emotional support hund enn ein hest.

Ellers har det vore ein roleg tur over til Madrid. Ok seter og sengetøy, nok mat til alle og berre så vidt litt turbulens innimellom. Det går heilt fint å ha det bra på tur med Avianca.

Med mindre turen går via Madrid. Fri og bevare meg for ein tulleflyplass, for eit rot... Det tok oss nesten 1,5 time med tog og buss frå T4S her til T2. Men mykje er gjort når vi no er komt i loungen. Vi er heldige som får reise på tur.