QF791 og QF542 frå ASP via SYD til BNE – «Kriminelt bra – igjen» No har eg skrytt Qantas opp i skyene, noko eg har grunn for å gjere igjen. Vi leverte leigebilen på flyplassen og sjekka inn bagasjen raskt og enkelt. Slik såg dagens flyplan ut, to fly – to tidssoner: - 12:30 ASP – SYD 16:50, QF791 – flytid 2 timar og 50 minutt - 17:30 SYD – BNE 18:00, QF 542 – flytid 1 time og 30 minutt No har eg allereie skrive mykje om Qantas og desse to flygingane var omtrent like bra som dei føregåande. Igjen kunne eg ha gifta meg med alle dei trivelege flyvertane og -vertinnene om bord. Vel, for å spare slitne lesarar, lar eg neste del av reisebrevet igjen bli dominert av bilete. Avgangshallen på ASP På veg ut til flyet frå terminalbygget på ASP Qantas – Spirit of Australia Heilt ålreit servering på QF791 frå ASP til SYD Grei servering (litt tørt) på QF542 frå SYD til BNE Eg skal fly Qantas igjen! Sjølv i bermeklasse var dette brillefint!
To netter i Brisbane – «Kriminelt nære heimreise» Etter to fine flygingar var vi tilbake i Brisbane og vips var sirkelen slutta. Her skulle vi tilbringe to netter før Singapore Airlines skulle få lov til å fly oss tilbake til Europa. Vi hadde ikkje mykje på blokka for desse to dagane, men litt skulle vi få gjort. Overnatting: Spice Apartments, South Brisbane 2 100 kr for to netter. Ein nydeleg leilegheit med fleire soverom og basseng på taket. Ingen frukost. Litt usentralt, men ålreit område og faktisk gangavstand inn til sentrum.
Roma street park Denne siste dagen i Brisbane vart brukt til handling av suvenirar. I tillegg kom vi over eit nydeleg parkanlegg, Roma street park. Her er det verdt å tasse litt rundt. Parken er mykje større enn han ser ut for. Roma street park, Brisbane
SQ C del III: Frå Brisbane til Singapore – «Kriminelt brillefint» Som Jesus vart pint av Pontius Pilatus har eg no pint lesaren med dette etter kvart ulideleg lange skribleriet. No har vi (rojalt fleirtal?) kome til heimreisa og her skal eg ikkje gå i detalj, men heller vise til det eg skreiv i loggboka: Brisbane internasjonale lufthamn Flyet vårt, A350-900
SQ236 hadde avgang kl. 14:45 og flytida frå BNE til SIN er på åtte timar. Med landing på SIN til lokal tid 20:45 blir dette å rekne som ei dagtidsflyging. Her skal eg ikkje gå i detalj om flyturen anna enn å vise kort til loggboka: Forrett av laks med ein Singapore Sling-drink attåt På Changi skilte reisefølgjet og eg lag. Sidan eg reiste på bonusbillettar hadde eg enda opp med ei litt anna rute heimover. Der reisefølgjet fekk fly direkte til Kastrup, skulle eg på ei litt lengre rute…
SQ C del IV: Frå Singapore til Milano – «Kriminelt ineffektivt» Det er ikkje så veldig mykje å fortelje frå SQ356 som gjekk frå Singapore kl. 23:45. Rundt tretten timar seinare landa SQs A350-900 på Malpensa, Milano, lokal tid var då 05:45. Igjen vidareformidlar det loggboka har å seie: Heilt ålreit hovudrett Vaffelkake med iskrem og bær til frukost var nydeleg Italiensk grensepassering Det mest spennande på heile heimreisa skjedde på MXP, Malpensa internasjonale lufthamn ved Milano. SQ landa 05:45 og omtrent eit kvarter seinare møtte eg på saker og ting som stadfesta fordommar om italiensk framgangsmåte. Passkontrollen inn til Schengen opnar ikkje før klokka sju. Ein kar i tollvesenet, som gjekk der og slengde med nevane i lomma, sa at han ikkje kunne hjelpa med å henta folk. Greitt nok, grensekontroll er ei politioppgåve. Det burde ikkje vera overraskande for Milanos politistyrke, avdeling Malpensa (MXP) at det kjem fly hit lenge før 0700 og at folk gjerne skal vidare med nye fly, men det gjer det altså. Til slutt kom det ein politimann, men han gadd ikkje å lytte til nokon som ikkje snakka italiensk… Då måtte eg berre flire. Kva anna kan ein gjera enn å sjå komikken i galskapen? Det er mogleg at dei italienske tollarane ikkje skjønte kvifor eg lo, men eg greidde ikkje å halde meg. Det var altså ikkje berre meg som skulle vidare med fly. Ein eller annan som var litt meir språkmektig i vulgærlatin enn meg, fekk til slutt stotra fram «Transito» til grensepolitiet og vips vart systemet rigga slik at vi som skulle inn i Schengen fekk koma inn via slusene som skal tuppa folk ut av passunionen. Stakkarane som skulle ut måtte venta mykje lenger i kø enn dei trudd... Alt dette italienske surret kosta meg 40 minutt i tapt loungetid! Soloppgang på MXP, Milano Reiseruta heim frå Australia Siste bit heim frå Milano via Frankfurt og Oslo til Trondheim gjekk utan dramatikk.
Eit forsøk på konklusjon tre månader seinare Kva skal ein seie om Australia? I ettertid hugsar eg turen som ein veldig fin og triveleg runde omkring i eit enormt land. Trass i varmen, det var ikkje mange dagane temperaturen var under +30, hadde vi gode opplevingar. Det er lett å samanlikna Australia og New Zealand fordi landa ligg i same område. Kanskje er det urettferdig fordi landa er så utruleg forskjellige. Det må likevel seiast at eg likte meg betre i New Zealand, men eg vil tilbake til begge desse to landa. Kjelder Om livet til luftambulanselegane i det australske baklandet: - Marsh, Bill: Great Australian flying doctor stories. ABC books, 1999/2007 Om den tidlege australske historia etter at dei kvite kom: - Wold, Sissel: Warra! Warra! Da de hvite kom til Australia. Pax forlag, 1999 Om det moderne Australia (samfunn, økonomi m.m.): - Økland, Nils Arne og Ingun: Nedenunder. Australia i sol og skygge. Damm forlag, 2005 Sluttord Postane på første side er oppdatert med direktelenke til aktuelle delar av reisebrevet. Dette for lesarar som ikkje orkar å myse på så frykteleg mange bokstavar i rapp rekkjefølgje. Elles tusen takk for følgjet, folkens!
Det er bare å bøye seg i støvet. Takk for nydelig reisebrev. (Må må jeg kanskje bli ferdig med mitt fra påsken også..) Jeg har ikke noe mindre lyst til å dra til Nedenunder nå, men jeg dropper MXP på veien hjem.
Takk for varmende ord Undertegnede må nok en tur nedenunder ved en senere anledning. Altfor mye som måtte prioriteres vekk på denne turen (selv om reisebrevet ikke bærer preg av akkurat det). Vel, om valget står mellom SQ C via MXP eller SQ Eco via SVO, så blir det MXP, men nå er det jo bare å bruke sin vulgærlatin og rope ut 'Transito! Transito! Pronto!', så blir det hele en knirkefri opplevelse... Jeg kan i alle fall ikke forestille meg noe annet
Takk for oppoverretta tommeltottar levert ut undervegs og takk for at de heldt ut med dette ordfråtseriet som det heile utvikla seg til å bli
Strålende......bare strålende. Superlativene er så mange, og plassen er så liten...så ifølge Rema1000.... : TAKK !!! Ps : neste gang du befinner deg i bartebyen, er du herved invitert på noen kalde på Austman tap-room
Takk for et fint reisebrev! Helt fantastisk lesing. Som noen her inne har nevnt tidligere kunne dette vært bok slik som du skriver. Takk for at vi fikk vært med på reisen. Når jeg engang i framtiden skal reise til Australia skal jeg definitivt bruke inspirasjon fra dette reisebrevet
Henger meg på i det som allerede er sagt/skrevet. Beskrivelsene dine gjør at vi som leser på mange måter også er med på turen. For min del har det å følge med også vært en kilde til frustrasjon da jeg planlegger en tur down under i januar. Hadde jo noen tanker innledningsvis om hva og hvor, men det er mer kaos nå. God kaos... Takk for turen og at for du tar deg tiden til å dele
Fantastisk nok en gang Kristian ! Hvert innlegg ble lest med fryd og glede. Jeg bøyer meg I hatten...
Takk skal du ha for at du heldt ut Du snakkar om brillefin iskrem, sant? Om eit par månader ramlar eg ut døra på Værnes, så vi kan jo ha ein intensjonsavtale
Takk for det, takk for det. Bok er litt stress, forum er meir lågterskel – noko som passar meg midt i blinken
