Drakkar, Vardø Både vikingar og kvalar reiser langt. No er det min tur! Turen går, som trådtittelen seier, frå Gokk til The Evergreen State. Dette blir altså eit lite reisebrev som forsøksvis skal haldast oppdatert undervegs. Vi får sjå korleis skribenten oppfyller den lovnaden. Dette blir min sjette tur til Seattle-området. Heng med om du vil!
Nokre harde fakta Det er to som skal på tur denne gongen, opphavet (ho mamma) og eg (gutungen). For den tolmodige lesar kjem her ein liten faktabolk om turen vår: Vestover: VDS–VAW–KKN–OSL–ARN–LAX–SEA. Retur: SEA–SFO–CPH–OSL–KKN––VAW–BJF–VDS Flyselskap: WF, SK og UA Kart for oss som tykkjer om slikt: Reiseklasser vestover: SK Biz mellom ARN og LAX. – SK Pluss mellom SFO og CPH (oppgraderingsbod lagt inn) Pris: 9 800 kr t/r OSL–SEA per snute i SK+. – Oppgradering til SK Biz for poeng. – Oppgradering til UA domestic first for pengar LAX–SEA. – Posisjoneringsflygingar t/r GOKK–OSL: 3 000 kronar i SK+.
Løyndomskremmeri Ho mamma trur at vi skal reise i SAS PLUS. At eg har bydd på oppgradering til SK BIZ veit ho ikkje. At bodet gjekk gjennom i dag, veit ho i alle fall ikkje. Ho fekk sjølvsagt eit varsel i SAS-appen, men eg sa at det var fordi eg måtte endre setevalet. Ho mamma gjekk fem på og har dermed ikkje peiling i det heile tatt. Eg mistenkjer at ho ikkje får snurten i desse krumspringa som gutungen har utførd før ho sit i sete 2H med eit glas med sprudlevatn i handa etter ombordstigning på ARN. Pandionkatten humrar bak poten av dette påhittet:
Tsk, tsk, tsk... Å bu i Gokk gir 2x 937 grunnpoeng pluss at Amex-betalinga gir ekstrapoeng. Så dette er lønsamt!!!
Tidlegare Seattle-erfaring i reisefølgjet Ho mamma gjesta Seattle med omeign første gong i det herrens år 1972. Då med mor si. Damene hadde gitt streng ordre til husbond (min morfar) og bror (min onkel) om at karane absolutt ikkje skulle rive hus og ikkje ein gong vurdere tanken på å skaffe hund medan kvinnfolka var ute på vift. Vel, huset stod, men det hadde dukka opp ei ny bikkje då damene kom heim igjen... Sidan den gongen har ho mamma vore 'over there' to gongar, så dette blir fjerde gongen. Kanskje blir det siste gongen, òg, seier ho mamma og hintar vel til at ho fylte 70 denne sommaren. Gutungen var første gong i Washington state i 2006 og seinare har det vorte fire turar, som gjer at dette, som nemnd, blir tur nummer seks til dette nordvestlege hjørnet av USA. Ho mamma startar utflukta frå bartebyen
Som en digresjon. Min mor måtte til VDS for å få jobb etter jus-studiene. Da vi ryddet ut etter min bestefar fant jeg kvittering på en billett til VDS til den nette sum av 4500,- per snute. I 1976-kroner. Da høres ikkje prisen du har betalt for en tur i vesterled så gale ut! Ikkje var det noe opptjening å skryte av heller.
Føremålet med reisa og eit åtvaring til lesaren Føremålet med turen er i hovudsak å treffe slekta. To søstre av ho mormor var på sjukepleiarutveksling 'over there' på femtitalet og møtte nokre kjekke amerianske menn. Etter det har slekta reist fram og tilbake over Atlanteren. Avreise er i morgon med overnatting på OSL. Dette blir sikkert ikkje eit veldig hyppig oppdatert reisebrev, ei heller frå veldig spennande attraksjonar, men ein veit no aldri. Per no køyrer eg eit lågterskeltilbod med litt blanding av fjas og inntrykk. Så får vi sjå kva som skjer etter kvart. Velkomen skal du vere
Tanta til ho mamma sa midt på 90-talet at no hadde ho kome heim til Noreg frå USA for siste gong, trudde ho. Ho har no vore heime 30+ gongar etter det og sagt det same kvar gong. No er tanta over 90.
Det har du nok rett i, men sjølv om pandion-for-life-loungen stenger eit par veker, så har dyret tilgang til ein diamantlounge, som rett nok er ganske full, men servering er det...
Det var jo omtrent eit par månadsløner (eller noko i det draget), altså ikkje noko ein gjorde kvar dag... Artig med slike funn, då!
God tur, @Kristian! Ta godt vare på opphavet og oppfør deg fint. Vi heime gler oss til å følge reisebrevet.