Akkurat i desse dagar er det så mange som er på eksotiske reiser. Eg seier som dei i gode gamle dagar sa på Dagsrevyen: "Og vi skal heim igjen". Strekning: Værnes – Gardermoen Flygning: SK371 (avgang 16:10) Dato: 6/11-16 Klasse: SAS Plus Innsjekk: Manuell. Godt humør på tøtta i skranken. Eg liker manuell innsjekk Prio-tag fekk eg òg. Fast track unnagjort på femten sekund. God stemning! Bollekantina på Værnes: Fulle bolle- og snurrebrett og ledige sitjeplassar. Knall! Ombordstigning: Prioritert ombordstigning fungerte! Nesten fullt fly, brukte framre og bakre utgang, alle på plass på 15 minutt. Flyginga TRD–OSL: Ledig midtsete, plassering: 1D. Konge! Servering og sørvis: Det var lite på menyen som frista, men eg var mett etter ein kraftig lønsj. Venleg og sørvisinnstilt kabinpersonale Flytid: 50 minutt, inn til OSL sørfrå, landa litt før rute. Strekning: Gardermoen – Høybuktmoen Flygning: SK4478 (avgang 17:55) Dato: 6/11-16 Klasse: SAS Plus Potetgullkantina på Gardermoen: Smekkfull! Som vanleg... Snudde i døra og furta utgangslangs i avgangshallen. Trefte på kjentfolk og fekk prata skit. Æda-bæda til kantina! Ombordstigning: Prioritert ombordstigning fungerte. Måtte gå 50 meter frå utgangen til flytrappa. Ingen transport for statuskunder. Skandale! 122 pax om bord. Flyginga OSL–KKN: Ved innsjekk fekk eg plass på 2C som skulle ha vore første rad på denne sida av dette flyet. Dei bytta truleg fly, eg fekk framleis plass på 2C, men hadde ei seterad framom meg På rad 1 var det totalt seks passasjerar, på rad 2 var det fire. Med andre ord: Ledig midtsete! Konge! Servering og sørvis: Under severing bad eg om å få polarrulle i tillegg til roastbiffsnacken. Snack vart samla inn, rulle delt ut. Nabotøtta som ikkje ville ha roastbiffen fekk både rulle og roast. Kanskje eg var uklår Pursher verka litt stressa. Heile besetninga plasserte seg bak stengt gardin siste halvdel av flyginga. Gjorde forsåvidt ikkje meg noko, men gardinfolket er eg ikkje så glad i... Kan likevel forstå behovet for litt pause innimellom Flytid: 2 timar. Inn til KKN nordfrå. Landa i rute. Totalvurdering: Det var ein dag det var heilt greitt å fly. Skuff at SAS-bua innanriks på OSL er så forbanna smekkfull. Gardingreia er litt unødvendig. Likevel: Eigentleg ingenting å klaga på frå kabinpersonalet. Dei er jo trivelege
Jeg flyr OSL-TRD-OSL i morgen. Har vel ingen store forhåpninger om det store utvalget i kantina på gardermoen klokken 06, så mulig frokosten blir i Trondheim i stede. Derimot håper jeg å få prøvd kanelsnurrene på Værnes på hjemturen
Alltid flott med en liten rapport fra en god, klassisk innenrikstur med SAS. Det er jo alltid flest av disse så fint at noen tar seg tid til å skrive om dem også
Gløymde to ting: Turens irritasjonsmoment: Reiser du i Plus og sit på første rad må du for pokker forstå at du ikkje kan ha veska di på golvet ved føtene. Kabinpersonalet skal sleppe å minne deg på dette og løfte tingene dine opp på hattehylla. Her burde det vere ein bakgrunnssjekk! Ok, kanskje ikkje så ille, då, men hallo, liksom! Turens kommentar: Møtte på ein kjenning som såg meg på rad to. – Kjenning: Jasså, langt framme? – Mitt svar: For mange sjukdomar der bak.
