Fjelltur i Galitsjitsa «Galitsjitsa» nasjonalpark (Национален парк «Галичица» (Natsionalen park «Galitsjitsa»)) ligg rundt tre kvarter med bil frå Ohrid. Her ligg det skog og fjell. Valet fall på ein drygt sju kilometer lang fjelltur med ein opptur på rundt 700 høgdemeter. Ein ganske lettgått tur på rundt tre timar tur/retur. Eit herleg gjensyn med snø! Tidvis ganske bratt oppover Utsikten var det lite å seia på! Nesten som norske fjell?
Vel oppe på Magaro, 2 255 m.o.h. Det var godt med vind på toppen, nesten som om eg var i Aust-Finnmark, men det var kanskje eit par gradar varmare. Det er alltid ei fin kjensle å nå toppen, så òg i dag. Då er det viktig med litt hopp og sprett:
Siste måltid i Ohrid vart inntatt på restaurant Tino. Her gjekk eg av alle ting for ein sjømatsrisotto (mange reker!) til 100 kroner. Det var slett ikkje dumt, sjølv om retten kanskje ikkje var ein pryd for auga:
Og vips hadde mørket senka seg og tida i Ohrid var omme og det etter skarve 37 000 skritt... Eg må seia at dette var ein ålreit stad, eg skulle gjerne ha hatt eit par dagar til både her og kanskje òg i Skopje... Men av og til må sjeferiet narrast til å tru at ein gjer sitt arbeid slik at løna kjem på konto! Kveld i Ohrid EDIT: Alle hugsar sikkert den fine klokkereima eg fekk montert på altmoglegmarknaden i Skopje? Eit røvarkjøpt til 40 kroner! I kveld gjekk nemnde reim til helvete... Kva er reklamasjonsretten her, tru? Ja-ja, reima varte no i to fine døgn!
Bare en liten avsporing; hvor stødig er du i kyrillisk? Din fonetiske oversettelse til norsk er veldig bra edit: og veldig flott reisebrev, selvsagt
Tja, sånn greitt stødig. Det er vel ein bokstav eller to i den makedonske varianten som eg slit litt med, men elles er det grei skuring!
Jøss. Jeg trodde de hadde reist hjem alle sammen Har vært et par ganger i Skopje selv ifm. tjeneste på Balkan på tidlig 2000-tall. Det var ikke veldig moderne, men billig gull og dresser lokket. Og så hadde vi et par uautoriserte grensepasseringer i åsene mellom Kosovo og Makedonia, men det er ikke så lett å se grenser i skogen heller
Overnatting i Skopje Etter å ha leita litt på verdsveven fall valet på Solun hotell i Skopje. Hotellet ligg sentralt, berre eit dvaskt eigedomsmeklarsteinkast frå Makedonia-plassen (200 metet å gå). Prisen var ikkje så ille heller, men det var ikkje gratis med cirka 1 900 kroner for to netter. Rommet var romsleg og det var ganske så stille. Frukosten var av type buffét og var ein slags kontinentalvariant mini med nokre lokale innslag. Mett vart eg no! Det einaste eg sleit med var å få skrudd av alt lyset. Eg prøvde absolutt alle lysbrytarane og jamvel i ulike kombinasjonar. Etter kvart gav eg opp og sov med nattbordslampene på natta gjennom. Det hadde ingenting å seia for søvnkvaliteten. Full snorkemodus!
Overnatting i Ohrid I Ohrid var det SU hotell som fekk pengane mine. Dei skulle ha knappe 1 500 kr for to netter. Igjen eit ålreit og stille rom. Frukosten var ein litt snever buffét av type kontinental. Hotellet ligg heilt nede ved sjøen og det var berre 500 meter bort til gamlebyen i Ohrid.
Seinast ved utgangen av år 2022 hadde NATO 4 000 soldatar i Kosovo (ein og annan er kanskje innom Nord-Makedonia i ny og ne?), skal vi tru NRK: https://www.nrk.no/urix/fare-for-ny-krig-i-europa-i-skyggen-av-ukraina_-1.16234499
Ikke for å skli helt ut (men det gjør vi jo ofte..) Men er dette et ekte bilde? Visst ikke at Tyskland brukte dette navnet og symboler (ref. 2. verdenskrig..) Edit: ser ut til å stemme https://simpleflying.com/german-air-force-second-airbus-a321lr/
Tilbake til gamlelandet frå Skopje Ohrid ved morgongry Reisefølgjet og eg hadde to ulike avgangar ut av Nord-Makedonia i dag. Reisefølgjets fly gjekk først, noko som medførte avreise frå Ohrid til Skopje lufthamn allereie kl. 0800. Køyreturen tok fire timar etter stort sett ålreite vegar. Innlevering av leigebil tok 45 sekund hos Avis.
Innsjekk av bagasje i Star Alliance-skranken tok litt lenger tid. Først måtte skrankedraken sjekka om eg fekk levera inn bagasje med Lufthansa-billett meir enn to timar før avgang fordi akkurat no var det Austrian som var greia. Etter å ha spurt skiftleiar var det null problem å levera bagasjen. Deretter kom passkontrollen for utreise frå Nord-Makedonia. Her gjekk eg sjølvsagt i EU-passkøa, men det var feil kø. Ikkje fordi eg har norsk pass, men fordi passkontrolløren stakk sin kos. Så då hamna eg bakerst i køa for dei med 'alle andre' pass. Det tok vel eit femminutt ekstra, så det var inga krise. Stempel fekk eg òg:
For oss med gullkort eller C-billett hos Star Alliance er det ein lounge her på Skopje lufthamn. Han ligg tett på tryggleikskontrollen og det er masse bråk frå kassene som folk skramlar og skranglar med på det bandet der borte. I tillegg er taket på flyplassen av metall så lyden forplantar seg gjennom heile avgangshallen, inn i loungen inkludert. Serveringa er sånn omtrent på line med det som SAS baud på i den gamle innanriksbua på Gardermoen... Assortert fôr på Skopje lufthamns lounge Sitjegrupper i loungen på Skopje lufthamn
Kort sagt, Skopje lufthamn er mindre enn Værnes lufthamn. Det er éin butikk her. Det er bråkete. Og loungen er kjip. Det kjenner eg på som kom hit 3,5 time før flyavgang. Og no er Luftwaffe forseinka med ein time og femten minutt herifrå til Furtne frank...
