Reisebrev: Frå Finnmark til Trøndelag i slutten av april

Stadig vekk er det folk her inne som skriv om Lufthansa F, eksotiske stader på andre kontinent og høg champagneføring. Vil du ha meir av dét, gå heim og vogg eller finn deg ein annan tråd

Dette er eit lite glimt frå ei reise med WF972 og SK4573 fredag 28/4, frå VDS via TOS til TRD.


Litt uklårt fokus, men knyttnevetesten er godkjent, her frå bakerste rad

WF972 er ei rundrute med oppstart frå Tromsø kl. 0600, derifrå vidare til Alta, Kirkenes, Vadsø før retur til Tromsø. Det er sjølvsagt ein Dash-8 100 (39 sete) som blir brukt til denne ruta.

Arbeidsgjevar posisjonerte meg slik at det var naturleg å møte opp i Vadsø der planlagt avgang var satt til 08:38. Estimert flytid til Tromsø var i dag på éin time, ruteplanen seier ein time og tolv minutt. Fullt fly frå Vadsø, eller nesten: Berre fire ledige sitjeunderlag

Etter å ha levert bagasjen var det full stopp i tryggleikskontrollen. Dei må vere to der for å sleppe gjennom folk, men han eine av dei to var på eit lite oppdrag ute på stripa. Eg spurde om sperrebandet kom til å bli klipt på høgtideleg vis og WF-karen meinte at Avinor burde stille med champagne og fanfare. Vekteren mumla noko omnat det kunne skape trøbbel for han. Kort sagt: Den korte ventetida vart veldig kort med mykje skitprat


Vinterleg rundt Varangerfjorden

Fortsettelse følger

 

WF972 har ifølgje ruteplanen avgang frå Kirkenes kl. 08:07, men allereie 08:09 klaska flyet i bakken på nordsida av Varangerfjorden, på Kiby internasjonale lufthamn. Ikkje lenge etter fekk vi komme om bord og allereie kl. 08:20 var vi klare for avgang, nesten tjue minutt før ruteplanen.



Hos Widerøe er vi alle fjellaper, ingen er betre enn nokon. Mine følgesvenner på denne turen var Wasa (nei, ikkje Gustav Wasa), læms (det står lefse på pakken, men det uttalast 'læms', i alle fall i Trøndelag) og Jules Vernes 'Kaptein Hatteras'.

I tillegg var utsikten slett ikkje vond, her eksemplifisert med Tanadalen, på høgre elvebreidd er Noreg, på venstre elvebreidd er Finland. Skilnadane er jo som alle ser til å ta og føla på!



Her må eg bringe til torgs ei innrømming: Eg elskar å fly med Widerøes Dash-8 100-maskiner. Det kjem av to ting:
- a) lyden av bagasjen som flytter seg i hattehylla når flyet aksellerer på ein kort rullebane - det er berre heilt nydeleg (ja, det er kanskje irrasjonelt, men like fullt kjem det alltid ein bitteliten tåre i augekroken når 39-setaren tek av)
- b) det mini-samfunnet om bord der kabinpersonalet har god tid, det oppstår lett småprat over fleire rader

I tillegg er det umogleg å ikkje like eit selskap som flyg av garde lenge før rutetid - fordi alle er på plass og luftrommet er ikkje akkurat fullstappa

Heile vegen koste eg meg der på bakerste rad med bok og utsikt



Lyngsalpane skuffar aldri!



WF972 dundra i asfalten på Langnes kl. 09:25, nesten ein halvtime før rutetid. Det gav meg meir tid i bollebua



Mitt favorittfjell og favorittfly(selskap) i ein av Noregs beste byar. Berre Trondheim kan konkurrere. Fakta faen. Ferdig snakka.

Fortsettelse følger.

 

Konge @Kristian , ser fram til fortsettelsen

 

Herlig @Kristian - nydelige bilder.

Du har jo helt rett, bortsett fra at det er jo ingen konkurranse - Trondheim er og blir BEST !!

 

Bollebua på Langnes er diverre lokalisert (glass)vegg i vegg med leikerommet. Det gjer at støynivået av og til er litt høgt, men i dag varte det berre ei kort stund. Heldigvis var det både graut og bakverk i loungen



Graut!



Utvalet på Langnes i dag.

Ei grei stund brukt til å skriva føregåande to innlegg

Fortsettelse følger

 

Bolle? Nei, ikkje tenk dansk!



Ingen kanelsnurrer i dag, men bolle er fint, både på norsk og dansk.

SK4573 gjekk i rute frå Langnes kl. 11:40. Om bord var vi 91 passasjerar. Som alle burde vite (heilt utan belærande tone) har SAS alltid ei mellomlanding i Bodø på ruta mellom Tromsø og Trondheim, med unnatak av i sommarferien, då har SAS eit par direkteruter.

Norwegian prøvde seg på same ruta, TRD-BOO-TOS, i starten var det daglege avgangar, seinare vart BOO skippa og no er det berre fredagar og måndagar dei flyg TOS-TRD.



Sidan eg bestilte turen medan det enno var mørketid og det dalte snøfiller digre som kjerringer på eit tidspunkt der Siri (M. Kalvig) spådde berre forverringer, hamna eg ved midtgang, ikkje ved vindauget. Snakk om tabbe! Av det eg såg, var det skyfritt heile vegen frå Langnes til Værnes

Vel om bord bad eg om polarrull, lefse og den sagnomsuste eplejuicen som kom med vårmenyen. Sannheitsgehalten i juicesagna er kanskje tvilsom for dette er serveringa dei kunne by på:



Kabinpersonellet var hyggjelege og stemninga var god. Ein liten tåre pressa seg fram då ein kar i ein alder av sju-åtte år fekk bli med inn i cockpit og prate med pilotane. Gliset på pjokken var breidt!

Sjølv om flyvertinnene nærmast har vorte redusert til servitriser og flygarane knapt er noko meir enn bussjåførar, er det noko spesielt med det å fly. Vi her inne er kanskje eit døme på det: Vi samlar bonuspoeng, m.a. ved å fly mykje, for å kunne fly meir. Det har framleis eit snev av magi ved seg og det er godt å sjå at det er rom for at dei yngste kan få ta del i livet heilt framst i flyet, framom 'kjøkenet' No skal eg vera ærleg å seie at eg glatt hadde skubba bort den gutvotten dersom eg hadde fått komme inn i cockpit, altså

Frå Bodø til Trondheim var det fullt, stinn brakke, sild i tønne: Det var ein gubbe på klappsete i cockpit og ein kar på klappsete ved pursher. Ikkje eitt ledig midtsete å oppdrive

Alt i alt ein fin dag i lufta!



Trøndelag, here I am!

Takk for følgjet

 

Nydelig rapport! Fikk en gang kjeft i Hammerfest for å møte opp så sent som en halvtime før avgang med handbagasje. Flyet lå godt foran ruta og hadde ingen intensjoner om å gå på oppsatt rutetid. Widerøe <3

 

Godt skrevet! Fint å få et avbrekk fra hverdagen

 

11 minutters turnaround? Det kan all verdens LCC'er ta lærdom av...

Flott rapport!

 

#denfølelsen når WF sirkler over Hammerfest i tett snøvær, snøklumpene fra propellene slår mot skroget og man aner det verste i forhold til buss fra Lakselv eller Alta. Og plutselig begynner hjulet som du knapt nok kan se å gå rundt: du er nede.

Koselig lesing

 

Takk, Kristian. Dette var Norges - og WF-reklame på sitt beste.
I gamle dager var det Twin Otteren som gjaldt. Jeg glemmer ikke gliset på guttungen (min sønn, ikke meg denne gang) på den korte turen fra KKN til VDS. Like moro som Tivolis berg og dalbane.

 

Takkar og bukkar!

Takk skal du ha! Hyggjeleg å kunne bidra med noko utanfor den vante løypa

Ja, når det berre er påstigande, eg trur vi var knappe ti, så går det kjapt

Han som ikkje vil ned, SKAL ned Dei har vore ute ein vinterstorm eller sju, både flya og pilotane

 

Du har heilt rett. Eg må ha vore høg på turboproprus!

 

Dette er helt suverent

 

Tusen takk Sjølv med Dash 100 er det tidvis litt humpete over Varangerfjorden

Takk skal du ha

 

Byen som har ei utmerka elv til å spytte i:

 

Klarer du å spytte fra Marienborg til elva er du god. Du får harke opp ei dugelig ei.....

 

Herlig rapport! Deilig med en skikkelig WF-rapport!

 

Tusen takk Hehe, det trur eg på

Biletet er jo tatt oppe ved Bygrensen, frå Graakallbanen i fart, men salige Otto Nielsen sa ikkje kor det var best å stå for munnslimavlevering ut i elva, ref. 'Litjvisa mi'

Tusen takk, fekk med litt SAS òg, men mykje WF, ja

 

Takk for en fin tur. Widerøe og SAS leverer bra i strålende flyvær så dette er som mange har sagt Widerøe og Nord-Norge på sine bedre sider... blir ikke mindre sjalu av bilder av sol og blå himmel når jeg ser ut av vinduet på regn, vind og gråvær her sørpå