Japan: Med tog frå Sapporo til Nagasaki Dette reisebrevet er tre år forseinka, men betre seint enn aldri, kanskje. I april 2015 reiste ein kamerat og eg med tog frå Sapporo i nord og sørover til Nagasaki. Det bør du òg gjere!
Om reisebrevet – eit slags forord Format: Minimalt med skrift (mot normalt frå meg). Bilete: Etter beste evne skal eg la bileta tale for seg. – Sidan eg er glad i ord, kan det gå skeis. Om flyturar og bonuspoengsanking? Nei. Om reiselyst og oppleving av eit annleis land? Ja. Tja, der var det formelle unnagjort. Vi går i gang! Reiserute (overnattingsplassar) Vi kom til Japan med SAS og ANA til Sapporo via Tokyo. Avreisen skjedde frå Fukuoka via Tokyo med ANA og SAS. Totalt hadde vi omtrent to og ei halv veke i Japan. Tipsseksjonen vedr. togreising i Japan Heilt mot slutten av dette reisebrevet, finn du, kjære lesar, tips og diverse for korleis du kan få ein (eller sju) triveleg(e) togreise(r) rundt omkring i Japan. Klikk på denne lenka og vips er du der du skal vere – på post nr. 120.
Første stopp: Sapporo Japan-turen vår skulle totalt strekkje seg over to og ei halv veke. I Sapporo hadde vi to netter. I starten av april var det framleis vinterleg her. I fjella rundt byen låg det snø og temperaturen var rundt 0 grader, men sola varma, så vi var blide.
Sapporo er, samanlikna med Tokyo, veldig avslappa. Det var lite folk i gatene mot det som skulle møte oss seinare i Japan. Eg skulle gjerne tatt turen tilbake til Hokkaido for å gå turar i naturen og fjella der. For oss vart det storbyliv i Sapporo: Sapporo by night:
Like utanfor Sapporo sentrum ligg ein slags ekvivalent til folkemusea her heime. Her blir gamal japansk byggeskikk vist fram på eit stort utandørsområde. Vi var nesten åleine her. Ryuunji-tempelet frå 1893
Tilbake i Sapporo sentrum (vi tok toget mellom sentrum og muséet) tusla vi opp i dette tårnet og fekk god utsikt: Sjå kor lite folk det er her! Lenger sør i Japan hadde det krydd av menneske. Det var litt uventa for oss, men for ein med heimeadresse i Aust-Finnmark var det greitt med ikkje altfor mykje folk frå dag 1.
Vi tok òg taubanen (eller var det ein buss?) opp i fjellsida der ein hadde god utsikt over byen og OL-anlegga frå nokre år tilbake. I tillegg var utsikten utover byen fenomenal: Kakao hadde dei òg der oppe:
Andre stopp: Noboribetsu og Jigokudani (Helvetesdalen) Cirka 1 time og 15 minutt frå Sapporo med tog ligg eit område med varme kjelder som heiter Noboribetsu onsen. Dit måtte vi. Rett jernbanestasjonen vart vi møtt av denne karen: Det har gått så lang tid og eg skreiv ikkje ned noko frå denne turen, så eg veit ikkje lenger kva det er eg har tatt bilete av, men i Noboribetsu var det fleire slike 'figurar':
Toget går til Noboribetsu. For å kome deg til dei varme kjeldene i Noboribetsu onsen tar du bussen. Sjølv ein idiot greier å finne den bussen som eg meiner å hugse gjekk eit par gongar i timen: Noboribetsu onsen var utgangspunktet for å rusle rundt i Jigokudani – Helvetesdalen. For eit syn! Fascinerande:
Vi rusla rundt og titta på at det kom røyk både herifrå og derifrå: Eit nydeleg fotbad etter å ha trampa rundt vart det òg:
Det er godt skilta rundt om blant dei varme kjeldene. Det går tydeleg merka stiar både hit og dit og du får eit kart stukke i handa før du ruslar inn i området som eg meiner å hugse er ein nasjonalpark, så nokre yen går nok med som inngangspengar. Det er vel inga underdriving at jarnbanestasjonar og togskener var noko vi såg mykje av i løpet av togturen vår, men fader meg kor effektivt det var! Vi brukte nokre timar i Jigokudani før vi reiste med toget vidare same dag. Vi skulle jo sjå 'heile' Japan!
Eg er fullstendig klar over det. Veit ikkje om det finst ein enkel måte å strippe ned storleiken på utan å gjere det manuelt med kvart enkelt bilete (har vel ikkje leita heller). EDIT: Ser poenget ditt og reduserer bileta
Tredje stopp: Hirosaki Seks og ein halv time med tog frå Noboribetsu (totalt nesten åtte timar frå Sapporo) ligg byen Hirosaki. Vi har med andre ord allereie reist frå Hokkaido og kome til Honshu. Vi hadde éi natt i Hirosaki. Hirosaki-slottet Hirosaki ligg fint til:
Sjølve Hirosaki utanfor gamlebyområdet var kanskje ikkje veldig sjarmerande, men vi fekk ikkje sett så altfor mykje av dette. Vi gjekk for turistattraksjonane. Når ein er i Japan (og Asia) er det ikkje fritt for at ein kjem over ein del tempel og tilsvarande. Vi var enno nyfikne på dette og synst vi såg mykje fint:
Apropos det å ikkje forstå alt. Alle togstasjonane opplyser om dei neste avgangane på flotte informasjonstavler. Litt forkommen føler ein seg likevel når absolutt alt av informasjon blir formidla på lokalt språk: Vel, her var det tydeleg at det skulle gå tog frå spor 3, men vi måtte vente litt for å få klokkesletta: Destinasjonane fekk vi på eit for oss forståeleg skriftspråk ved neste oppdatering. Det skal ikkje vere lett...
Tusen takk for at du ( endelig) deler. Veldig farlig for bestilingsiveren å få se nye deler av Japan kjenner jeg
Litt geografisk hjelp for å visualisere reiseruta så langt: Hakodate vurderte vi lenge å stoppe innom, men tidsskjemaet sprakk og i staden vart det berre eit togbytte.
