Reisebrev: Helgetur for å kryssa av eit nytt land — LUX i sus og dus?

Tigeren på Gardermoen

Endeleg skal denne guten på flytur igjen!

SAS eurobizz frå Gardermoen via Kastrup til Luxembourg-Findel. Overnatting på Park Inn by Radisson Louxemburg City.

Ein heilt ny stad for meg, ja, nytt land, faktisk! Har du tips til ting å finna på og plassar med god mat, så legg gjerne igjen ein kommentar!

Vil du vera med, så heng på!

 

Frå Noreg til Luxembourg med SAS
Første flyging er med SAS i C-klasse. Som vanleg vil SAS ha oss ombord tidleg, men med innlagt bløming utanfor flydøra så dumpa eg ned i setet mitt på SE-ROY knappe tjue minutt før avgang. Så får vi sjå kva som kjem av mat og drikke i dag!



Dagens fugl frå OSL til CPH

 

Tusen takk for at du tek oss med på tur. Eg trur ikkje eg har sett reisebrev frå Luxemburg her inne endå. Dette vert spennande!

 

Ikkje eg heller, men (denne) manns minne er jo ikkje som det var, for forumet har hatt ein representant i LUX før: https://insideflyer.no/forums/threads/en-dag-i-luxembourg-sayonara-senator-status.22372/

 

@kjeeli har vel også et brev derifra. Litt tidkrevende å finne igjen når stedsnavn ikke er i overskriften, eller er taget.

Artig at du også har den samme(?) tigeren på bildet som min første post i brevet mitt

God tur!

 

Du må på sedvanlig vis komme med en utførlig rapport om Luxembourg siden jeg kommer etter i november….
Jeg gleder meg

 

Da har jeg fikset at det er litt mer søkbart

 

For å sitera hovmeisteren med det skjelmske smilet vi alle ser 23/12: I'll do my very best!

 

Ja, så sanneleg! Heile IF har snart vore i LUX! Eit fint reisebrev: https://insideflyer.no/forums/threads/oppløpssiden-for-å-beholde-senator-en-tur-til-lux.21327/

 

Ryktet skal ha det til at det per 1500 er lang kø gjennom sinnerheitskontrollen på Gardermoen, men då eg kom dit rundt kl. 1230 var det roleg og eg smatt gjennom på to—tre minutt. Utanlandsloungen hadde mat som såg litt kjedeleg ut, men det smakte godt. Der var det litt pasta, brokkolisalat og anna moro. Det sklei ned på høgkant!

Serveringa ombord på SE-ROY frå Gardermoen til Kastrup i dag var i beste fall kjip. Og då tenkjer eg smaksmessig. Salaten til forrett trefte ikkje mine smakslaukars preferansar og oliven som var i hovudretten er ikkje for meg. Osten i hovudretten var òg litt rar, men skinka var god og operakaka til dessert var god. Likevel, alt i alt var dette ei servering som ikkje fungerte heilt for meg.


Servering frå OSL til CPH 17/4-2026

 

Godvêr over København

For å spara meg sjølv nesten halvanna tusen kroner flaug eg litt tidleg frå Oslo slik at eg fekk rundt tre timar på Kastrup. Så stor var prisskilnaden på avgangen kl. 1335 mot den kl. 1505.

Københavns lufthamn er jo ikkje den verste staden å vera, sånn bortsett frå svensken som høglydt — over telefon — gir instruksar til ein kollega om korleis han skal rekna saman tal i reknearket hans, han får det ikkje til sjølv trass i at han gjorde det på Stockholms school of economics i 1985...

 

Riktig god tur, blir gøy å lese om en helg i Luxembourg.
Og angående han svensken, gå bort og si jag e inte sjuk, jag e bara svensk

 

Det ble eit relativt kort opphald i loungen på Kastrup, litt for å snakka med pappa på telefonen og litt fordi pølsefesten og den andre maten ikkje var så forlokkande i dag.

Likevel, det var ålreit å lesa Berlingske (på papir, altså!) som eg synst er ei god avis, særleg på utanriks, politikk og samfunn i eit større europeisk perspektiv enn kva fjeldabebladfykene er i stand til å få til heime.


Inngangspartiet til loungen på Kastrup

 

Dagens andre fugl

Flyet til Luxembourg Findel har avgang frå E2, det vil seia fjernbarkering og bussfrakt ut til flyet. I løpet av tida har reisefølgjet dobla seg så no er vi to på tur. Det er EI-FPW som skal fly den halvannan timen som er rutetid på strekning CPH—LUX. Så er eg spent på serveringa her!

 

Og sanneleg kom kabinsjef rundt med ei lita flaske vatn no før avgang. Det er jo koseleg!


Vatn servert på bakken på Kastrup

 

Ein blidspent kabinsjef delte ut mat på ruta mellom CPH og LUX som hadde ei flytid på 1:15. Ein ålreit flytur og denne serveringa passa mine smaksløkar betre med ost til forrett, laksesalat av noko slag og ostekake til dessert. Og elles fint å lesa litt i boka mi og til slutt kom det sjokolade.


SAS leverte (mat)varene til LUX

 

Innflyginga til Luxembourg Findel


Luxair regjerer på LUX


Nytt land registrert!

 

Vel nede på bakken sjekka eg poengsaldoen og det såg fint ut etter den første flyginga, ingen tvil:


Så hadde eg heilt gløymt at eg hadde meldt meg på den poengdoblingskampanjen i julekalenderen for sanneleg kom det dobbelt dose av poeng for neste flyging:


Dermed er det igjen nokre poengslantar å finn på botna av poengbingen som var nær på tom etter ein del bestillingar og ikkje minst etter oppstart av ny innteningsperiode.

 

Overnatting i Luxembourg
Det som framstod som eit greitt alternativ for slumring nattestid var Park Inn by Radisson Luxembourg City. Prisen kom på cirka 1 800 kr natta. Rommet var stort, men på bakkeplan, så ikkje veldig skjerma for innsyn av forbipasserande. Frukosten var ikkje overdådig, men meir enn grei nok.


Dusjområdet


Toalettområdet


Sovearealet


Snorkoramadelen

 

To døgn i Luxembourg
Turen frå flyplassen til sentrum skjedde med offentleg transport. Buss nr. 29 brukte 20 minutt. All kollektivtransport i Luxembourg er gratis.

Etter å ha sjekka inn og slik så gjekk turen ut i byen. Førsteknntrykket var ikkje heilt heldig. M.a. vart eg litt overraska over kor mange tilsynelatande heimlause det var å sjå. No er no dette eit problem i alle land. Og det er ikkje så lett å finna vegen tilbake til samfunnet når ein først har hamna på utsida av det. Ikkje langt unna sat det nokre ungdommar og førebudde neste heroindose. Det må seiast at dette førsteinntrykket ikkje stemte overeins med det vi såg neste dag. Slett ikkje.


Mørket senkar seg over Luxembourg


Tøffe løvar på kumlokka!