Ryanair kansellerar fleire fly i perioden november til mars. No er ikkje Ryanair det meste populære flyselskapet her på Insideflyer, men eg vil kome med litt skryt. Eg hadde bestilt ein t/r med Ryanair til London rundt nyttår. Sia eg var usikker på om eg skulle ta turen var kr 179 kvar veg ei rimeleg forsikring. I dag fekk eg melding om at morgonflyet den 29. desember var kansellert. Eg hadde valgt det fryktelege morgonflyet fordi det var rimelegast. I mailen med informasjon om kanselleringa sto det noko informasjon om at eg kunne endre til andre avgangar. Akkurat dette viste seg å vere betre enn eg hadde venta. Sjølv om berre utreisa var endra fekk eg også endre returen gratis. Resultatet er at eg fekk endra mine to 179kr-avgangar til to avgangar som til saman kosta 2400kr. Eg hadde moglegheit til å endre datoar både fram og tilbake (eventuelt få refundert heile greia). I tillegg tikka det akkurat inn ein voucher på 80 EUR som plaster på såret. Eg er i alle fall strålande fornøgd, no har eg faktisk attraktive reisetidspunkt. Korleis eg i utgangspunktet fann på å bestille retur kl 06.30 er eg ikkje sikker på..
Ja, med det flyet er ein i alle fall avhengig av å bu på Radisson. Returflyginga var på nyttårsafta, so tanken var vel å kome seg tidleg heim til Norge.
