Denne siden kan inneholde links til partnere som støtter oss hvis du handler fra dem.

Flyselskapet Ethiopian Airlines har kjøpt 45% av aksjane i det afrikanske flyselskapet Zambia Airways.

Det er berre to månadar sia Ethiopian Airlines meldte at dei forhandla om å kjøpe seg opp i Arik Air, det er Nigeria sitt største flyselskap. Med desse oppkjøpa håpar Ethiopian Airlines å nå målet om å etablere hub’ar i dei sentrale og dei sørlege delane av Afrika.

I 2013 kjøpte Ethiopian Airlines også 49% av Air Malawi. I følgje check-in.dk er Ethiopian Airlines «det mest økonomisk stabile flyselskapet i Afrika». Ethiopian Airlines har også eit utvida samarbeid med ASKY Airlines, som har base i Togo.

Det er tydeleg at Ethiopian Airlines har planar når dei kjøper 45% av eit flyselskap som ikkje har hatt drift på 20 år. Dei håpar nok å få stabla selskapet på føtene i nær framtid.

Zambia Airlines vart grunnlagd i 1964, men i 1994 kasta den zambiske regjeringa inn årene og la ned flyselskapet. Den zambiske regjeringa har no 55% av aksjane og vil vere ein partner i prosjektet med å få flyselskapet på føtene igjen.

Har du fått med deg at Ethiopian Airlines nyleg kutta i bonusoppteninga for dei som krediterar til Eurobonus?

I mars 2017 byrja Ethiopian Airlines å fly frå Oslo Lufthavn Gardermoen. Dei har vore eit populært selskap på InsideFlyer.no det siste året. Dette er etter at dei slo til med særs gode prisar i businessklasse for eit år sia. Har du erfaring med Ethiopian Airlines? Del dei gjerne på vårt forum.

Denne artikkelen vart først skriven av Peter Krogh Frausing for vår systerside InsideFlyer.dk