SQ C del I: Frå Heathrow til Changi – «Kriminelt bra»
Neste morgon gjorde eg unna eg førstefrukosten på hotellet. Her var det rikt utval, men eg kunne ikkje ete meg stappmett. Etter ein kjapp og effektiv bagasjeinnsjekk inntok eg andrefrukosten i lønnesiruploungen. Tredjefrukosten tok eg i SQ-stova.
View attachment 48805
Så var det tid for ombordstiging for SQ305 som skulle gå kl. 0910. Spent tassa eg inn i C-kabinen hos SQ og fann sete 17K. Til alt overmål fann eg masse smular på dei merkelegaste plassar rundt omkring i og på setet. Då eg påpeikte dette, vart reingjeringa raskt iverksett. Deretter kom det tre tonn med unnskuldingar frå fem ulike kabintilsette som i tur og orden kom bortom for å forsikre seg om at alt var i orden og at det ikkje var fleire smular igjen. Og alt dette før eg fekk ein drink i handa! Litt flaut, men òg rørande med all denne omtanken.
Mange har skildra korleis det er å reise med Singapore Airlines i businessklasse. I tillegg har eg kome med
nokre generelle tankar i starten av dette reisebrevet. Som nemnd der, hadde eg bestilt «Book the cook» til alle måltid. Første måltid etter å ha kome opp i lufta frå LHR var sushi. Dette var ikkje feil!
View attachment 48806
Til dessert valde eg is. Etterpå vart det litt ost og frukt. Det òg glei ned, gitt.
View attachment 48807
Sidan dette var ei dagflyging valde eg å ikkje sove så mykje. Eg blunda vel eit par gongar, men elles las eg bøker og såg på kva underhaldningssystemet hadde å tilby. Etter mitt ringe syn var det eit godt utval av filmar og TV-seriar. Eg kom ikkje gjennom alt trass i at flytida var på nærmare tretten timar.
Neste måltid var laks med lauk og asparges. Då eg fekk servert dette, innsåg eg at eg eigentleg ikkje var så fysen på laks. I tillegg var laksen litt tørr. Eg meiner å hugse at eg sendte eit par lengselsfulle blikk bort på matfatet til naboen på andre sida av midtgangen, men eg fekk skylt ned eigen mat med eit par drinkar av typen Singapore Sling.
Vis alt...
